Qazaqstan Resei men Ukrainaǧa jaǧdaidy retteuge jan-jaqty kömek körsetuge, sonyŋ ışınde mediasiia qyzmetterın körsetuge daiyn, dedı prezident «Amanat» dep ataudy ūsynǧan partiianyŋ sezınde, dep habarlaidy «Adyrna» ūlttyq portaly.
Qasym-Jomart TOQAEV būǧan deiın qabyldanǧan Minsk kelısımderı qaǧaz jüzınde qalyp, Ukraina aumaǧynda äskeri operasiialarǧa alyp kelgenın aitty.
— Geosaiasi jaǧdai būryn-soŋdy bolmaǧan jaǧdaida uşyǧyp kettı, endı ökınışke orai, būl ürdıstıŋ qaitymsyzdyǧy turaly aitudyŋ uaqyty keldı. Sondyqtan bız ekı memlekettı kelıssöz üstelınde ortaq tıl tabuǧa, kelısım men bıtımgerşılıkke keluge şaqyramyz. Basqa amal joq. Jaqsy janjaldan, taqyr tatulyq artyq. Beibıtşılık bolmasa, damu da bolmaidy. Qazaqstan öz tarapynan, ärine, qajet bolsa, deldaldyq qyzmetterdı qosa alǧanda, barlyq kömek körsetuge daiyn, dedı Memleket basşysy.Prezident Qauıpsızdık Keŋesınde bırqatar jūmys kezdesulerın ötkızıp, sanksiialyq qarama-qaişylyqtyŋ būryn-soŋdy bolmaǧan şielenısuı jaǧdaiynda Qazaqstannyŋ tūraqty äleumettık-ekonomikalyq damuyn qamtamasyz etu boiynşa ükımettıŋ aldyna naqty mındetter qoidy.
Daǧdarys jaǧdaiynda üzdıksız jūmys ısteuın qamtamasyz etu üşın ekonomikamyz sanksiialyq syn-qaterlerge qarsy tūruǧa daiyn boluy kerek, dedı Qasym-Jomart TOQAEV.
"Adyrna" ūlttyq portaly
Ūqsas jaŋalyqtar
