13 ءساۋىر كۇنى قىتايدا ەش سەبەپسىز ساياسي ۇيرەنۋ دەيتىن تۇرمەگە قاماعان قازاقستان ازاماتتارىنىڭ تورتەۋى بوساتىلدى.
ولار كوكسەبەك ورىنبەك، مۇقاش ەركەش، ارمان، امان اتتى قازاقستان ازاماتتارى شىعىس قازاقستان وبلىسى باقتى شەكاراسىنان كەشە وتكەن. ال بۇگىن جانە ەكى قازاقستان ازاماتى بوساپ كەلەدى دەپ كۇتىلۋدە.
ەستەرىڭىزگە سالا كەتەيىك، بۇل تۋرالى اقپارات قۇرالدارى ارقىلى اتاجۇرت ەرىكتى جاستارى بەلسەندىلەرى بىرنەشە رەت ءباسپاسوز ءماسليحاتىن وتكىزىپ، وسىعان دەيىن سەگىز قازاقستان ازاماتتارىنىڭ قىتايدا ەشسەبەپسىز ۇستالىپ وتىرعانىن مالىمدەگەن بولاتىن. ءارى وسى ازاماتتاردىڭ تۋىستارىمەن بىرگە قازاقستان پرەزيدەنتى ەلباسى نۇرسۇلتان ءابىشۇلى نازارباەۆقا، قازاقستان سىرتقى ىستەر مينيسترىنە ارىز جازىپ وتكىزگەن ەدى، ناتيجەسىندە قازاقستان سىرتقى ىستەر ءمينيسترى بۇل ىسكە ارالاسىپ، مىنە ولاردىڭ قىتاي تۇرمەسىنەن بوساۋىنا مۇرىندىق بولدى.
وسى ورايدا ءبىز قازاقستان ەلباسى نۇرسۇلتان ءابىشۇلى نازارباەۆقا، سىرتقى ىستەر ءمينيسترى قايرات ابدىراحمانوۆقا، قىتايداعى قازاقستان ەلشىلىك قىزمەتكەرلەرىنە، اقپارات قۇرالدارىنا، ەلدەگى زيالى قاۋىم، ساياساتكەر جانە ۇلتجاندى ازاماتتارعا بارشا قازاقستاندىقتار اتىنان، قىتايداعى قانداستار اتىنان راقمەت ايتامىز!
http://atajurtjastar.com
