داريعا نازارباەۆا پارلامەنت ماجىلىسىنەن كەتەدى. بۇل تۋرالى ول ءوزىنىڭ ارنايى ۇندەۋىندە جاريالادى.
«مەن بۇگىن پارلامەنت ءماجىلىسى دەپۋتاتىنىڭ وكىلەتتىگىن توقتاتىپ، قوعامدىق، گۋمانيتارلىق، مادەني جانە قايىرىمدىلىق ىسكە تولىق كوڭىل ءبولۋ تۋرالى شەشىم قابىلدادىم.
Nur Otan پارتياسى ءۇشىن داۋىس بەرگەن قازاقستاندىقتارعا، پارتيالاستارىما جانە ەل باسشىلىعىنا ماعان كورسەتىلگەن سەنىم ءۇشىن العىسىمدى بىلدىرەمىن.
قاڭتارداعى قايعىلى وقيعا بەيبىت اسپان، قازاقستان حالقىنىڭ بىرلىگى بولماسا، ەلىمىزدىڭ گۇلدەنۋى مەن ودان ءارى دامۋى بولمايتىنىن كورسەتتى. مۇنىڭ ءبارى-بۇكىل حالقىمىزدىڭ ۇلكەن قاسىرەتى.
بولعان وقيعاعا جان-جاقتى جانە وبەكتيۆتى تەرگەۋ جۇرگىزۋ قاجەت دەپ ەسەپتەيمىن، سونىڭ ناتيجەسىندە كىنالىلەر ءادىل جازاعا تارتىلىپ، كىناسىز ادامدار — بوساتىلۋى كەرەك.
ءبىزدىڭ ءبارىمىز، قازاقستاندىقتار، بۇكىل قوعامىمىز «قارالى قاڭتار وقيعاسىنان» اششى ساباق الىپ، مۇنداي جاعداي ەشقاشان قايتالانباۋى ءۇشىن بارلىق كۇش جىگەرىمىزدى سالۋمىز كەرەك.
انارحيا تەك قورقىنىش پەن زۇلىمدىق اكەلەتىنىن وسى قايعىلى كۇندەر كورسەتتى. وتانىمىزدىڭ بۇگىنى مەن بولاشاعى ءۇشىن، بەيبىتشىلىك پەن قاۋىپسىزدىك ءۇشىن، ۇلتتىق ەگەمەندىگىمىز بەن تاۋەلسىزدىگىمىزدى ساقتاۋ ءۇشىن ءبىز قوعامنىڭ بىرلىگى مەن تۇتاستىعىن كورسەتۋىمىز كەرەك.
مەن ءوز ەلىمە جانە ەلىمنىڭ مۇددەسى ءۇشىن قىزمەت ەتەمىن. بۇل ءۇشىن لاۋازىمدار قاجەت ەمەس» – دەلىنگەن دەپۋتات داريعا نازارباەۆانىڭ ۇندەۋىندە.
"ادىرنا" ۇلتتىق پورتالى
