Darıǵa Nazarbaeva parlament májilisinen ketedi. Bul týraly ol óziniń arnaıy úndeýinde jarııalady.
«Men búgin Parlament Májilisi depýtatynyń ókilettigin toqtatyp, qoǵamdyq, gýmanıtarlyq, mádenı jáne qaıyrymdylyq iske tolyq kóńil bólý týraly sheshim qabyldadym.
Nur Otan partııasy úshin daýys bergen qazaqstandyqtarǵa, partııalastaryma jáne el basshylyǵyna maǵan kórsetilgen senim úshin alǵysymdy bildiremin.
Qańtardaǵy qaıǵyly oqıǵa beıbit aspan, Qazaqstan halqynyń birligi bolmasa, elimizdiń gúldenýi men odan ári damýy bolmaıtynyn kórsetti. Munyń bári-búkil halqymyzdyń úlken qasireti.
Bolǵan oqıǵaǵa jan-jaqty jáne obektıvti tergeý júrgizý qajet dep esepteımin, sonyń nátıjesinde kináliler ádil jazaǵa tartylyp, kinásiz adamdar — bosatylýy kerek.
Bizdiń bárimiz, qazaqstandyqtar, búkil qoǵamymyz «qaraly qańtar oqıǵasynan» ay sabaq alyp, mundaı jaǵdaı eshqashan qaıtalanbaýy úshin barlyq kúsh jigerimizdi salýmyz kerek.
Anarhııa tek qorqynysh pen zulymdyq ákeletinin osy qaıǵyly kúnder kórsetti. Otanymyzdyń búgini men bolashaǵy úshin, beıbitshilik pen qaýipsizdik úshin, ulttyq egemendigimiz ben táýelsizdigimizdi saqtaý úshin biz qoǵamnyń birligi men tutastyǵyn kórsetýimiz kerek.
Men óz elime jáne elimniń múddesi úshin qyzmet etemin. Bul úshin laýazymdar qajet emes» – delingen depýtat Darıǵa Nazarbaevanyń úndeýinde.
"Adyrna" ulttyq portaly
