بەرىك ءۋالي: پرەزيدەنتتىڭ شەتەلدىك بانكتەر مەن وفشورلىق كومپانيالارعا ەش قاتىسى جوق

7808
Adyrna.kz Telegram
كەيبىر بۇقارالىق اقپارات قۇرالدارى جازىپ جاتقانداي مەملەكەت باسشىسى قاسىم-جومارت توقاەۆتىڭ شۆەيتساريالىق بانكتە قارجىلىق شوتى جوق. بۇل تۋرالى بۇگىن ءوزىنىڭ Facebook پاراقشاسىندا قازاقستان پرەزيدەنتىنىڭ ءباسپاسوز حاتشىسى بەرىك ءۋالي جازدى، دەپ حابارلايدى "ادىرنا" ۇلتتىق پورتالى. 
"پرەزيدەنتتىڭ شەتەلدىك بانكتەر مەن وفشورلىق كومپانيالارعا دا ەشقانداي قاتىسى بولماعان جانە شەتەلدە جىلجىمايتىن مۇلكى دە جوق. قاسىم-جومارت كەمەلۇلىنىڭ بۇرىنعى جۇبايىنىڭ دا ماقالادا جازىلعانداي ەشقاشان قارجىلىق شوتى بولماعان. تيمۋر توقاەۆقا كەلەتىن بولساق، جاسى 38-دە. ول – كاسىپكەر، ەشقاشان مەملەكەتتىك قىزمەتتە ىستەمەگەن. وزدەرىڭىز بىلەسىزدەر پرەزيدەنت ەكونوميكا مەن ساياساتتاعى مونوپوليانى شەكتەۋگە، رەفورمالاردى جۇزەگە اسىرۋعا كۇش سالىپ كەلەدى. بۇل مەملەكەت باسشىسىنىڭ وسىنداي شەشىمدەرىن جاقتامايتىن ادامداردىڭ ادەيى تاراتىپ جاتقان فەيك اقپاراتتىق شابۋىلى دەپ ويلايمىن", - دەپ جازدى بەرىك ءۋالي.
"ادىرنا" ۇلتتىق پورتالى
پىكىرلەر