وبلىس اكىمى وڭداسىن ورازالين قاتىسقان جيىندا سازدى وزەنىنىڭ ارناسىن تازارتۋعا قاتىستى وزەكتى سۇراقتار قارالدى دەپ حابارلايدى "ادىرنا" ۇلتتىق پورتالى.
جيىنعا وبلىس اكىمىنىڭ ورىنباسارى جاقسىلىق يمانقۇلوۆ، اقتوبە قالاسىنىڭ اكىمى اسحات شاحاروۆ، «قازاۆتوجول» اف ديرەكتورى مىرزاباي نۇرتازين جانە وبلىستىق ءماسليزاتتىڭ دەپۋتاتى ەۆگەني لازارچۋك قاتىستى. ولار ءوڭىر باسشىسىن جۇمىس بارىسىنان قۇلاعدار ەتتى. اتاپ ايتقاندا، سازدى وزەنىنىڭ وڭتۇستىك اينالما كوپىرىنەن ەلەك وزەنىنە دەيىنگى ارالىعىن كەڭەيتۋ جانە بەكىتۋ جۇمىستارى جۇرگىزىلدى. بۇل سول جەردىڭ شامامەن 80 پايىزىن قۇرايدى.
2020 جىلى سۋدىڭ دەڭگەيىن ۇستاپ تۇرۋ ءۇشىن ءتورت ۇڭعىما بۇرعىلانسا، بىلتىر اقتوبە قالاسىنا قاراي سۋ جىبەرۋ ءۇشىن 1 شاقىرىمنان اسا جەر قازىلىپ، 3 مىڭ م2 الاڭ قامىستان تازارتىلدى. اتالمىش جۇمىستار وزەننىڭ ساڭكىباي باتىر داڭعىلىنان ك.نوكين كوشەسىنە دەيىنگى ارناسىن تولتىرۋ ءۇشىن جۇرگىزىلدى.
وبلىس اكىمى ماسەلەنى جان-جاقتى ءتۇسىنىپ، سۋدىڭ ىسىراپ بولۋىن زەرتتەپ، ءبىر ايدىڭ ىشىندە جاعالاۋلاردى قامىستان تازارتۋ جۇمىستارىن باستاۋدى تاپسىردى.
«ارنا تارتىلىپ، جاعىمسىز ءيىس شىقپاس ءۇشىن ونى سۋمەن تولتىرۋدىڭ بارلىق شارالارىن قابىلداۋ قاجەت. ساراپتاما جۇرگىزىپ، قاي جەردە سۋ بارىن، قاي جەردە الىپ تاستايتىن تىرەۋ، زاڭسىز بوگەتتەر بارىن انىقتاۋ كەرەك»،- دەگەن وبلىس اكىمى بىرقاتار مىندەتتەر قويدى.
"ادىرنا" ۇلتتىق پورتالى.
