Oblys ákimi Ońdasyn Orazalın qatysqan jıynda Sazdy ózeniniń arnasyn tazartýǵa qatysty ózekti suraqtar qaraldy dep habarlaıdy "Adyrna" ulttyq portaly.
Jıynǵa oblys ákiminiń orynbasary Jaqsylyq Imanqulov, Aqtóbe qalasynyń ákimi Ashat Shaharov, «Qazavtojol» AF dırektory Myrzabaı Nurtazın jáne oblystyq máslızattyń depýtaty Evgenıı Lazarchýk qatysty. Olar óńir basshysyn jumys barysynan qulaǵdar etti. Atap aıtqanda, Sazdy ózeniniń Ońtústik aınalma kópirinen Elek ózenine deıingi aralyǵyn keńeıtý jáne bekitý jumystary júrgizildi. Bul sol jerdiń shamamen 80 paıyzyn quraıdy.
2020 jyly sýdyń deńgeıin ustap turý úshin tórt uńǵyma burǵylansa, byltyr Aqtóbe qalasyna qaraı sý jiberý úshin 1 shaqyrymnan asa jer qazylyp, 3 myń m2 alań qamystan tazartyldy. Atalmysh jumystar ózenniń Sáńkibaı batyr dańǵylynan K.Nokın kóshesine deıingi arnasyn toltyrý úshin júrgizildi.
Oblys ákimi máseleni jan-jaqty túsinip, sýdyń ysyrap bolýyn zerttep, bir aıdyń ishinde jaǵalaýlardy qamystan tazartý jumystaryn bastaýdy tapsyrdy.
«Arna tartylyp, jaǵymsyz ıis shyqpas úshin ony sýmen toltyrýdyń barlyq sharalaryn qabyldaý qajet. Saraptama júrgizip, qaı jerde sý baryn, qaı jerde alyp tastaıtyn tireý, zańsyz bógetter baryn anyqtaý kerek»,- degen oblys ákimi birqatar mindetter qoıdy.
"Adyrna" ulttyq portaly.
