Atyraýda óz qyzyn bir jyl boıy zorlap kelgen er adam 15 jylǵa bas bostandyǵynan aıyryldy, - dep habarlaıdy "Adyrna" tilshisi "Moı gorod" basylymyna silteme jasap.
Qylmystyq ister jónindegi mamandandyrylǵan aýdanaralyq sotynda óz qyzyna uzaq ýaqyt boıyna qorlyq jasady dep aıyptalǵan er adamǵa qatysty úkim shyqty. Ol sondaı-aq úıinde oq-dárilerdi zańsyz saqtaǵan.
«Sottalýshynyń kinási kýágerlerdiń, jábirlenýshiniń aıǵaqtarymen, saraptama nátıjelerimen jáne beıne jazbalarmen tolyq dáleldendi», - dep habarlady oblystyq sottyń baspasóz qyzmeti.
Sot úkimimen er adam Qylmystyq kodekstiń 124 jáne 287-baptary – «Kámeletke tolmaǵandardy qorlaý» jáne «Qarýdy, oq-dárilerdi, jarylǵysh zattardy zańsyz alý, berý, ótkizý, saqtaý, tasymaldaý nemese alyp júrý» boıynsha qylmystardy jasaǵany úshin kináli dep tanyldy.
Er adam óz jazasyn qatań rejımdegi kolonııada óteý úshin 15 jylǵa bas bostandyǵynan aıyryldy dep habarlandy. Sondaı-aq ómir boıyna ustazdyq qyzmet atqarýǵa jáne kámeletke tolmaǵandarmen jumys isteýge tyıym salyndy. Sottyń úkimi zańdy kúshine endi.
Buǵan deıin Qaraǵandyda 15 jasar ógeı qyzyn alty aıdan astam ýaqyt boıy zorlaǵan pedofıl týraly habarlanǵan bolatyn. Ol 12,6 jylǵa bas bostandyǵynan aıyryldy.
"Adyrna" ulttyq portaly
