نۇر-سۇلتان اكىمدىگى ساۋدا ۇيىنە 9,5 ملرد تەڭگە جۇمسادى. ونى، جالپاق تىلمەن ايتساق جاسىرىن تۇردە – جەرگىلىكتى ماسليحاتقا حابارلاماستان ساتىپ العان، ال ساتىپ الۋدىڭ ءوزى مەملەكەتتىك ساتىپ الۋ سايتى ارقىلى دا «جۇرگىزىلمەگەن»، دەپ حابارلايدى "ادىرنا" ۇلتتىق پورتالى.
جۋرناليست ميحايل كوزاچكوۆ 9,5 ميلليارد تەڭگەگە اكىمدىكتىڭ وزىنە قاراستى «استانا قالاسىنىڭ ەكونوميكا باسقارماسى» مەكەمەسى ارقىلى Sine Tompore ساۋدا ءۇيىن ساتىپ العانىن جازادى. ونىڭ عيماراتى – ساۋلەت ەسكەرتكىشى، كەڭەس وداعى كەزىندە تسەلينوگراد تسۋم بولعان. ساۋدا ءۇيىنىڭ ءبىر شاڭىراعىنىڭ استىنا اكىمدىك بارلىق ۇيىمدارىن جيناۋدى جوسپارلاعان. راسىندا، نەگە ەكەنى تۇسىنىكسىز.
Sine Tompore اق، تەك ساۋلەت ەسكەرتكىشتەرىن ساتۋشى قاراپايىم كومپانيا ەمەس. كەڭسەنىڭ فيليالدارىنىڭ تىزىمىندە كوسوۆو-البانيالىق پاكوللي وتباسى بار. بۇل وتباسى Mabetex قۇرىلىس كومپانياسىنا يەلىك ەتەدى. Forbes مالىمەتتەرى بويىنشا، پاكوللي قازاقستاندا بارلىعى 1,9 ميلليارد دوللاردان استام اقشا يگەرگەن.
«ەگەر اكىمدىك قۇرىلىس جۇرگىزۋدەن جالتارىپ، دايىن نىساندى ساتىپ الۋدى شەشسە، نەگە مەملەكەتتىك ساتىپ الۋ پورتالى ارقىلى كونكۋرس جاريالانبادى جانە سوناۋ كەڭەس وداعى تۇسىندا سالىنعان دۇكەننەن گورى ورتالىق ايماقتان جاڭا ءارى زاماناۋي عيمارات تابىلار ما ەدى؟ » - دەپ جازدى كوزاچكوۆ.
"ادىرنا" ۇلتتىق پورتالى
