"قازترانسويل" باسقارما قۇرامىندا تاعى دا وزگەرىستەر ورىن الدى. قازاقستان قور بيرجاسىنىڭ (KASE) مالىمەتىنە سايكەس، باس ديرەكتوردىڭ ەكى بىردەي ورىنباسارى - الەن تاڭاتاروۆ پەن شارا ءادىلوۆا قىزمەتتەرىنەن بوساتىلدى، دەپ حابارلايدى "ادىرنا" ۇلتتىق پورتالى.
- 2022 جىلدىڭ 11 اقپانىنداعى شەشىمىمەن باسقارما قۇرامىنا كەلەسى وزگەرتۋلەر ەنگىزىلگەنى تۋرالى حابارلادى: - شىعارىلدى: اديلوۆا ش.ب. – باس ديرەكتوردىڭ ورىنباسارى (2022 جىلدىڭ 28 اقپانىندا ۋاكىلەتتىكتەرىن مەرزىمىنەن بۇرىن قىسقارتۋ), تاناتاروۆ ا.ب. – باس ديرەكتوردىڭ ورىنباسارى (2022 جىلدىڭ 28 اقپانىندا ۋاكىلەتتىكتەرىن مەرزىمىنەن بۇرىن قىسقارتۋ); - مايكەنوۆ ا.س. (2022 جىلدىڭ 01 ناۋرىزىنان باستاپ باسقارما مۇشەسى بولىپ سايلاندى), - دەلىنگەن قازاقستان قور بيرجاسىنىڭ (KASE) سايتىندا جاريالانعان حابارلامادا.
ەنگىزىلگەن وزگەرىستەردى ەسكەرە وتىرىپ، "كازترانسويل" اق باسقارماسى بەس ادامنان تۇرادى: ارىنوۆ س.ا.، مەندىباەۆ ە.، ماحين ج.ت.، يساكوۆ ج.ا.، مايكەنوۆ ا.س.
قازتاگ-تىڭ مالىمدەۋىنشە، 2019 جىلدىڭ 26 تامىزىندا "قازترانسويلدىڭ" ءوزىنىڭ رەسمي ساۋالىنا بەرگەن جاۋابىنا سۇيەنە وتىرىپ، الەن تاڭاتاروۆ پەن شارا ءادىلوۆا (تاڭاتاروۆا) ءبىر-بىرىنە تۋعان اعاسى مەن قارىنداسى ەكەنىن حابارلاعان بولاتىن. سونىمەن قاتار، الدىمەن 2015 جىلى كومپانيانىڭ توپ-مەنەدجمەنتىنە ءادىلوۆا، سودان كەيىن – 2019 جىلعى 28 ماۋسىمدا – تاڭاتاروۆ كىردى. بۇل رەتتە "قازترانسويل" رەداكتسياعا جاۋاپ بەرە وتىرىپ، كومپانيانىڭ زاڭى مەن جارعىسى بۇزىلماعانىن مالىمدەدى.
ەستەرىڭىزگە سالا كەتەيىك، قاڭتار ايىندا "قازترانسويل" كومپانياسىن 2016 جىلدان باستاپ باسقارعان باس ديرەكتورى ديماش دوسانوۆ قىزمەتىنەن بوساتىلدى. دوسانوۆ – نۇرسۇلتان نازارباەۆتىڭ كىشى كۇيەۋ بالاسى، ءاليا نازارباەۆانىڭ كۇيەۋى. سونداي-اق قاڭتار ايىنىڭ سوڭىندا باس ديرەكتوردىڭ ەكى بىردەي ورىنباسارى - شىڭعىس سەيسەكەنوۆ پەن دانيار مۇحامەد-راحيم دە قىزمەتتەرىنەن كەتكەن بولاتىن.
"ادىرنا" ۇلتتىق پورتالى
