ورتالىق كوممۋنيكاتسيالار قىزمەتىندە وتكەن بريفينگىدە قر ەنەرگەتيكا ءمينيسترى بولات اقشولاقوۆ قازاقستاندا اتوم ەلەكتر ستانتسياسىن سالۋ كەرەكتىگىن مالىمدەپ، ونىڭ ارتىقشىلىقتارىنا جەتە توقتالدى، دەپ حابارلايدى "ادىرنا" ۇلتتىق پورتالى.
- بىلتىر ءۇلبى مەتاللۋرگيا زاۋىتىنىڭ بازاسىندا اتوم ەلەكتر ستانتسيالارى ءۇشىن دايىن يادرولىق وتىن شىعاراتىن زاۋىت اشىلدى. ولار بۇگىندە قىتايدا پايدالانىلىپ نەمەسە سالىنىپ جاتىر. سونداي-اق، يادرولىق وتىننىڭ بەلسەندى شىعارىلا باستالدى، - دەدى بولات اقشولاقوۆ وكق بريفينگىندە.
ەنەرگەتيكا ءمينيسترىنىڭ مالىمدەۋىنشە، ەلىمىزدە اتوم ونەركاسىبى مەن عىلىم سالاسىندا 24 مىڭعا جۋىق ادام ەڭبەك ەتەدى.
- قازاقستاننىڭ جوعارى وقۋ ورىندارىندا 2010 جىلدان باستاپ يادرولىق جانە تەحنيكالىق فيزيكا باعىتتارى بويىنشا 3 200 كادر دايارلاندى. كەيىنگى اپتادا ەكى ەل باسشىسى رەسەيدىڭ الدىڭعى قاتارلى جوعارى وقۋ ورىندارىندا وسى سالاعا كادرلار دايارلاۋ جونىندەگى مەموراندۋمعا قول قويدى، - دەپ مالىمدەدى ەنەرگەتيكا ءمينيسترى.
ول رەسەيمەن كەلىسىمشارتقا اەس سالۋ ءۇشىن ەمەس، كادرلاردى وقىتۋ ءۇشىن عانا قول قويىلعانىن اتاپ ءوتتى.
ەلەكتر ەنەرگياسىنىڭ الداعى تاپشىلىعىن، الەمدىك ەكولوگيالىق كۇن تارتىبىنە، سونداي-اق، قابىلدانعان باعدارلاماعا - كومىرتەگى بەيتاراپتىعىنا كوشۋ تۋرالى مالىمدەمەگە بايلانىستى كومىر گەنەراتسياسىنا تاۋەلدىلىكتى ازايتۋ قاجەت. سونىمەن قاتار، بۇگىندە وندىرىستىك قۋات تومەندەگەنىن، ەلدەگى اتوم ەنەرگەتيكاسىن دامىتۋدىڭ زور الەۋەتىن ەسكەرىپ، اەس سالۋ نەعۇرلىم دۇرىس شەشىم بولىپ كورىنەدى، - دەپ تولىقتىردى بولات اقشولاقوۆ.
"ادىرنا" ۇلتتىق پورتالى
