2022 جىلدىڭ 8 اقپانىندا Egemen.kz سايتىندا «نەسيە «قامىتىن» كيگەندەر كوبەيدى» دەگەن ماتەريال جاريالانىپ، بىرقاتار كۇماندى دەرەكتەر كەلتىرىلدى (https://egemen.kz/article/303319-nesie-qamytyn-kigender-kobeydi) اقپاراتتىڭ راس-وتىرىگىن بىرگە تەكسەرىپ كورەيىك.
ماقالا: «قازاقستاندا نەسيەگە «بايلانعان» ادام كوپ»، – دەپ باستالادى. بۇل – ەموتسياعا اسەر ەتۋدى كوزدەيتىن سويلەم.
ماقالا اۆتورى: «ۇلتتىق بانك جۇرگىزگەن ساۋالناما ناتيجەسى ەكونوميكالىق بەلسەندى نەمەسە كىشىگىرىم قىزمەتتە جۇرگەن ازاماتتاردىڭ 90 پايىزى ايلىق پەن ايلىقتىڭ اراسىندا كۇن كورەتىنىن كورسەتكەن»، – دەي كەلە، «قازىر جۇرتشىلىقتىڭ قارىزسىز ءومىر ءسۇرۋى بارىنشا شەكتەلگەن» دەگەن تۇجىرىم جاسايدى.
ۇكىم: مانيپۋلياتسيا
بۇل جەردە مانيپۋلياتسيا بەلگىسى بار. سەبەبى، ۇلتتىق بانك جۇرگىزگەن ساۋالناما قاشان جاسالعانى، وعان قانشا ادام قاتىسقانى، ولاردىڭ كىم ەكەنى، جاسى، جىنىسى، تۇرعىلىقتى جەرى تۋرالى اقپارات جوق. بۇعان قوسا، ماقالادا نەسيە الۋعا قاتىستى ناقتى مەرزىم كورسەتىلمەگەن. ناقتى مەرزىمى كورسەتىلمەگەندىكتەن، تۇسىنىكسىز.
قارجى نارىعىن قاداعالاۋ جانە دامىتۋ اگەنتتىگى دە نەسيە الۋ كولەمىنىڭ ارتقانىن كورسەتەدى. بىراق، وندا ناقتى مەرزىمى كورسەتىلگەن. مىسالى، بيىلعى جىلدىڭ 8 ايىندا تۇتىنۋ قارىزى 23,8%-عا ارتقان دەيدى. مەملەكەتتىك نەسيە بيۋروسى تۇتىنۋ نەسيەسىن الاتىندار نەگىزىنەن الماتى، نۇر-سۇلتان، شىمكەنت قالالارىندا ەكەنىن ايتادى. ال egemen.kz سايتىنداعى ماقالادا بۇل تۋرالى دا ايتىلماۋى ماقالادا ماگيپۋلياتسيا بەلگىسى كوپ ەكەنىن كورسەتەدى.
"ادىرنا" ۇلتتىق پورتالى
