تايلاندتا 28 جاستاعى قازاقستان ازاماتى ۆەرونيكا بىچكوۆا جان تۇرشىگەرلىك اپاتقا ۇشىراپ، كومەكسىز قالدى. جاس ءتۋريستتى قاتتى جىلدامدىقپەن جەرگىلىكتى تۇرعىن قاعىپ كەتىپ، وقيعا ورنىنان قاشىپ كەتتى، - دەپ حابارلايدى "ادىرنا" ءتىلشىسى "استانا" تەلەارناسىنا سىلتەمە جاساپ.
تۋىستارىنىڭ ايتۋىنشا، زارداپ شەگۋشى جەرگىلىكتى اۋرۋحاناعا سىنىق بەلگىلەرى بار دەنە جاراقاتىمەن جەتكىزىلگەن، ول قولىنان ايىرىلىپ قالا جازدادى.
تۋريست ساياحاتىن 50 مىڭ دوللارعا ساقتاندىرعانى حابارلاندى. بىراق كۇيەۋى ساقتاندىرۋ كومپانياسىنا جۇگىنگەندە، ولار ءوز مىندەتتەمەلەرىنەن باس تارتتى.
"ولاردى Interteach حالىقارالىق ساقتاندىرۋ كومپانياسى ساقتاندىردى. اپات پەن جازاتايىم وقيعادان كەيىن ساقتاندىرۋ كومپانياسى گوسپيتاليزاتسياعا دا، ەمدەلۋگە دە ەش كومەك كورسەتپەگەن. ولار ءبىرىنشى وپەراتسيانى جاسادى، سودان كەيىن وعان تاعى ءۇش وپەراتسيا جاسالادى، ويتكەنى وعان ساقتاندىرۋدى ەنگىزۋى كەرەك. قول سۇيەگىنە مەتالل تۇيرەۋىش ورناتىپ قولدى تولىعىمەن قۇراستىرۋ كەرەك. قولداعى سۇيەكتىڭ ءبىر بولىگى بار، ال كەيبىر سىنعان سۇيەكتەرى قاتتى سوققىدان شاشىلىپ، جوعالىپ كەتكەن»، - دەيدى زارداپ شەككەن قىزدىڭ ەنەسى، الماتى قالاسىنىڭ تۇرعىنى لاريسا مەلنيكوۆا.
ۆەرونيكا تايلاندتاعى اۋرۋحانادا ءبىر اپتاعا جۋىق ۋاقىت بولدى. وعان قازاقستان حالقى كومەكتەسۋدە. العاشقى وپەراتسياعا اقشا جيناعان دا سولار. ۆەرونيكانىڭ تۋىستارى قازاقستان ەلشىلىگىنىڭ دە ارەكەتسىزدىگىنە نارازى. وتباسى «نۇر وتان» پارتياسىنىڭ كومەگىنە جۇگىنگەن. سودان كەيىن عانا ءىس وڭ جامباسقا جىعىلدى، دەيدى جابىرلەنۋشىنىڭ تۋىستارى.
"قازىر ءبىز بۇل فاكتى بويىنشا باس پروكۋراتۋراعا، سىرتقى ىستەر مينيسترلىگىنە حات جولدادىق. قازاقستان وكىلدىگى كەز كەلگەن كومەكتى كورسەتۋى كەرەك، ونىڭ ىشىندە زاڭگەر دە بار. مەن زاڭ شىعارۋشى ورگانعا، ماجىلىسكە، سوتقا جۇگىنگىم كەلەدى. پارلامەنت جۇمىس توبىن قۇرىپ، قازاقستان رەسپۋبليكاسىنداعى ساقتاندىرۋ قىزمەتى تۋرالى زاڭعا وزگەرىستەر ەنگىزسىن»، - دەدى زاڭگەر نۇرلان سلياموۆ.
"ادىرنا" ۇلتتىق پورتالى
