پرەزيدەنت: ءوز ورنىمدى جاستارعا بوساتىپ بەرۋگە دايىنمىن

7432
Adyrna.kz Telegram

تۇركىمەنستان پرەزيدەنتى گۋربانگۋلى بەردىمۇحامەدوۆ ەلدەگى "حالىق ماسلاحاتىندا" (پارلامەنتتىڭ جوعارعى پالاتاسى) باسشى قىزمەتىن ارتقا تاستاپ، قىزمەتىنەن كەتەتىنىن مالىمدەدى، دەپ حابارلايدى "ادىرنا" ۇلتتىق پورتالى. 

«ەلىمىزدىڭ دامۋىنىڭ جاڭا كەزەڭىندە مەملەكەتتىك باسقارۋعا جول رۋحاني ورتادا جانە زامان تالابىنا ساي تاربيەلەنگەن جاس كوشباسشىلارعا بەرىلۋى كەرەك دەگەن پىكىردى قولدايمىن. حالىق ماسلاحاتىندا، مەن ءوزىمنىڭ ۇلكەن ومىرلىك جانە ساياسي تاجىريبەمدى وسى ايماققا ودان ءارى باعىتتاۋعا نيەتتەمىن»، - دەدى بەردىمۇحامەدوۆ جۇما كۇنى "حالىق ماسلاحاتىندا".

تۇركىمەنستان باسشىسى ەكى جىل بۇرىن پايعامبار جاسىنا جەتكەنىن جانە بۇگىن ءوزى تۋرالى كۇردەلى شەشىمدى تالقىلاعىسى كەلەتىنىن باسا ايتتى.

"وزدەرىڭىز بىلەسىزدەر، وسىدان 15 جىل بۇرىن، ياعني 2007 جىلدىڭ 11 اقپانىندا ءبىزدىڭ ەلدە تۇركىمەنستاندا پرەزيدەنتتىك سايلاۋ ءوتتى. سودان كەيىن تۋعان حالقىم مەنى جوعارى مەملەكەتتىك لاۋازىمعا سايلادى، سول ارقىلى ۇلكەن سەنىم كورسەتتى", - دەدى بەردىمۇحامەدوۆ.

ونىڭ ايتۋىنشا، ول بۇل سەنىمدى 2012 جانە 2017 جىلعى جالپىحالىقتىق سايلاۋدا سەزىنگەن. «قازىر 15 جىل بويى مەن تۇركىمەنستان پرەزيدەنتىنىڭ ەڭ جوعارى جانە وتە جاۋاپتى قىزمەتىندە جۇمىس ىستەپ كەلەمىن. سونىمەن بىرگە مەن مينيسترلەر كابينەتىنىڭ توراعاسى، مەملەكەتتىك قاۋىپسىزدىك كەڭەسىنىڭ توراعاسى، قارۋلى كۇشتەردىڭ جوعارعى قولباسشىسى جانە حالىق ماسلاحاتى توراعاسى ميللي گەنگەش مىندەتتەرىن اتقارىپ جاتىرمىن»، - دەدى مەملەكەت باسشىسى.

حابارلانعانداي، قازىرگى ۋاقىتتا تۇرىكمەنستان ۇكىمەتىندەگى ۆيتسە-پرەمەر قىزمەتىن 2021 جىلدىڭ شىلدەسىنەن بەرى قارجى-ەكونوميكالىق كەشەنگە جەتەكشىلىك ەتىپ كەلگەن پرەزيدەنتتىڭ ۇلى سەردار بەردىمۇحامەدوۆ اتقارىپ وتىر.

بۇعان دەيىن سەردار بەردىمۇحامەدوۆ پرەمەر-ءمينيستردىڭ ورىنباسارى، جوعارعى باقىلاۋ پالاتاسىنىڭ توراعاسى بولىپ تاعايىندالىپ، 2021 جىلدىڭ 11 اقپانىندا مەملەكەتتىك قاۋىپسىزدىك كەڭەسىنە تانىستىرىلدى. بۇل قىزمەتتە ول مەملەكەتتىك باسقارۋ جۇيەسىندە، قارجى-ەكونوميكالىق جانە الەۋمەتتىك سەكتوردا تسيفرلاندىرۋ مەن يننوۆاتسيالىق تەحنولوگيالاردى ەنگىزۋگە دە جاۋاپتى بولدى.

2020 جىلدىڭ 7 اقپانى مەن 2021 جىلدىڭ 11 اقپانى ارالىعىندا سەردار بەردىمۇحامەدوۆ يندۋستريا جانە قۇرىلىس ءوندىرىسى ءمينيسترى قىزمەتىن اتقاردى.

2019 جىلدىڭ 17 ماۋسىمىنان باستاپ پرەزيدەنتتىڭ ۇلى تۇركىمەنستاننىڭ ورتالىق ايماعى – احال ۆەلاياتى (وبلىسى) باسشىسى.

"ادىرنا" ۇلتتىق پورتالى

پىكىرلەر