قر پرەزيدەنتى قاسىم-جومارت-كەمەلۇلىنا;
قر پارلامەنتى ءماجىلىسىنىڭ دەپۋتاتتارىنا;
قر سىبايلاس جەمقورلىققا قارسى كۇرەس اگەنتتىگىنىڭ توراعاسىنا.
ەستيتىن مەملەكەتتىڭ جوعارى لاۋازىمىنداعى باسشىلارى!
ءبىز جاقتاعى جۇرتىڭىزدىڭ زارىنا قۇلاق تۇرىڭىزدەر!
قازىعۇرت اۋدانى، التىنتوبە اۋىلى وكرۋگىنىڭ جەرلەرىن "تۇركىستان" الەۋمەتتىك كاسىپكەرلىك كورپوراتسياسى ءوزىنىڭ جەكە مەنشىگىنە الىپ العان. بۇل كورپوراتسيا قر "جەر كودەكسىنە" دە قارامايدى، پرەزيدەنت قويعان موراتوريگە دە قارامايدى ەكەن. بۇل كورپوراتسيانى قورعايتىن مەملەكەتتىڭ زاڭى دا، مەحانيزيمى دە جوق. زاڭ جوباسى پارلامەنتتەن وتپەگەن دە. سوندىقتان دا سپك (سوتسيالنايا پرەدپرينيماتەلسكايا كورپوراتسيا) زاڭسىز قۇرىلىم بولىپ سانالادى. زاڭسىز قۇرىلىم حالىقتىڭ بەرەكەسىن ۇشىرىپ كەلەى. زاڭسىز قۇرىلىم بولعاندىقتان ونىڭ حالىقتىڭ مۇلكىن، مەملەكەتتىڭ مۇلكىن مەنشىكتەپ الۋىنا قۇقى جوق.
قازىر اۋىل ازاماتتارىندا نە جەر جوق، نە جۇمىس جوق، نە كاسىپ جوق. نە سۋبسيديا الا المايدى، نە جاساعان بيزنەس جوباسى وتە بەرمەيدى. وزدەرىڭىز جاقسى بىلەسىزدەر، بارلىق جەردە بيۋروكراتيا جايلاعان. قاعازباستىلىقتان كوز سۇرىنەدى. اۋىلداعى ازاماتتار تۇندە ءبارى كوشەلەردى جاعالاپ، اراق ءىشىپ، كارتا ويناپ، ۋاقىتتارىن بوس وتكىزەدى. جۇمىسسىزدىق ازدىرىپ، توزدىرىپ جاتىر اۋىل جاستارىن. ءۇي سالايىن دەسە تاعى جەرى جوق. جاس وتباسىلار جان-جاققا قاڭعىرىپ كەتىپ جاتىر. كاسىپ جاسايىن دەسە، جەرى جوق. كورپوراتسيامەن اۋىز جالاسقان لوببيستتەر جەردى حالىققا قايتارۋعا قارسى قولىنان كەلگەنىنىڭ ءبارىن جاساپ باعۋدا.
جەرگىلىكت مەملەكەتتىك اتقارۋشى ورگاندار حالىقتىڭ جەرسىز قالۋىنا باسىن دا قاتىرمايدى. ءتىپتى شەشىپ بەرۋگە قۇلقى جوق. اكىمدىككە، كورپوراتسياعا جەرىم دەپ ازاماتتار ميلليون رەت باردى. اكىمدىكتەرمەن اۋىل جالاسقاننىڭ ءبارى جەردى وزدەرىنە مەنشىكتەپ، جالعان قوجايىن بولىپ وتىر. مىنە، "تۇركىستان" الەۋمەتتىك كاسىپكەرلىك كورپوراتسياسىنىڭ حالىققا تيگىزىپ وتىرعان پايداسى وسىنداي.
"تۇركىستان"الەۋمەتتىك كاسىپكەرلىك كورپوراتسياسىنا تۇركىستان وبلىسىنىڭ اكىمدىگى قۇرىلتايشى. زاڭسىز قۇرىلىمدى جىبەرمەي ۇستاپ وتىرۋى ءۇشىن وبلىس اكىمدىگىن قۇرىلتايشى ەتىپ وتىر ما سوندا؟ ەڭ سوراقىسى - حالىقتىڭ جەرى وسى ۋاقىتقا دەيىن 4 مەكەمەگە ءوتىپ كەلدى. ونىڭ اتىن دا، زاتىن دا حالىق بىلمەيدى. كىمدەر ەكەنىنەن حابارى جوق. ەلدىڭ باسى قاتىپ كەتكەن. سوندىقتان بۇل ماسەلەنى مەملەكەتتىك دەڭگەيدە كوتەرىپ، حالىقتىڭ قۇقىن قورعايىق. وسى ءۇشىن جۇمىس ىستەپ جاتىرمىز.
اۋداننىڭ جەر قاتىناستارى باسقارماسىنىڭ بىزگە بەرگەن قۇجاتىندا التىنتوبە اۋىلى وكرۋگىنىڭ جەر كولەمى 16523 گەكتار بولسا، قازىعۇرت اۋدانى اكىمىنىڭ 2010 جىلعى 16 ساۋىردە جەردى "وڭتۇستىك" الەۋمەتتىك كاسىپكەرلىك كورپوراتسيسى ۇلتتىق كومپانياسى اكتسيونەرلىك قوعامىنا بەرىپ جىبەرگەن № 153 قاۋلىسىندا جەر كولەمى 15935 بولىپ قالعان. ال، قازىرگى "تۇركىستان" الەۋمەتتىك كاسىپكەرلىك كورپوراتسياسىندا التىنتوبە اۋىلى وكرۋگىنىڭ جەر كولەمى 15301 گەكتار بولىپ تۇر. جەردى اكىمشىلىكپەن اۋىز جالاساندار ءبولىسىپ، حالىققا كورسەتپەي زاڭسىز مەملەكەتتىك اكتىلەر جاساپ جاتىر.
30 جىل بويى قۇقى تاپتالعان، مۇددەسى قورعالماعان حالىقتىڭ قۇقىن قازىعۇرت اۋدانىنىڭ اكىمى ارمان ابدۋللاەۆ قورعايتىن ءتۇرى جوق. ارمان كەرىسىنشە، حالىققا قارسى بىردەڭەلەردى ايتىپ جاتىر. اكىم حالقىنا اكىم بولىپ، جەرىن الىپ بەرىپ، قۇقىن قورعاماسا، ول نەسىنە وتىر!؟ وسىنىڭ ءبارىن ىسكە اسىرۋ اكىمنىڭ حالىق الدىنداعى ابىرويلى مىندەتى مەن قاسيەتتى پارىزى ەمەس پە!؟ وعان ارنايى ماقالا شىعارامىن.
ارمان، مەنەن جاۋاپ كۇتىڭىز!
مەن ءوزىمنىڭ بارلىق جۇمىسىمدى توقتاتتىم. تەك وسى حالىقتىڭ جەرىنىڭ حالىقتىڭ وزىنە قايتۋىمەن اينالىسامىن. بۇل حالىقتىڭ 30 جىل بويى جەرى بولماي، قۇقى تاپتالىپ كەلدى. ەشبىر قۇزىرلى ورگان حالىقتىڭ مۇددەسىن ەسكەرەر ەمەس. كەرىسىنشە، ازاماتتارىن سوتتاتىپ، جەرىڭدى اۋزىڭا الما دەپ وتىر. بىزگە قولداۋ جاساڭىزدار! بۇل جاعداي بىزدە عانا ەمەس، قازاقستان رەسپۋبليكاسىنىڭ بارلىق وڭىرىندە بار.
"ادىرنا" ۇلتتىق پورتالى
