الماتى پوليتسياسى قارياعا تاياقپەن شابۋىلداعان كولىك جۇرگىزۋشىسى ۇستالعانىن حابارلادى، دەپ جازادى "ادىرنا" ۇلتتىق پورتالى Tengrinews.kz-كە سىلتەمە جاساپ.
الماتى پوليتسيا دەپارتامەنتى مالىمەتىنشە، بۇل دەرەك الەۋمەتتىك جەلىلەرگە جۇرگىزىلگەن مونيتورينگ بارىسىندا انىقتالعان.
"ول قر قىلمىستىق كودەكسىنىڭ 293-بابى بويىنشا سوتالدى تەرگەپ-تەكسەرۋدىڭ بىرىڭعاي تىزىلىمىنە تىركەلدى. تەكسەرۋ شارالارى بارىسىندا قارت ادامدى ۇرىپ-سوققان ەر ادام انىقتالىپ، ۇستالدى. ول - الماتى وبلىسىنىڭ 47 جاستاعى تۇرعىنى. ۇستالعان ازامات ءوزىن اقتاۋ ءۇشىن قاريا كولىگىنە زاقىم كەلتىرگەنىن ايتتى", - دەدى الماتى قالالىق پوليتسيا دەپارتامەنتى باستىعىنىڭ ورىنباسارى، پوليتسيا پولكوۆنيگى رۋستام ءابدىراحمانوۆ.
سونداي-اق، بۇل وقيعا الماتى وبلىسى اۋماعىندا بولعانى انىقتالعان.
"قىلمىستىق ءىس ماتەريالدارى قوسىمشا تەرگەۋ جانە شەشىم قابىلداۋ ءۇشىن قاراساي اۋداندىق پوليتسيا بولىمىنە، الماتى وبلىسىنىڭ پوليتسيا دەپارتامەنتىنە جولدانادى", - دەدى رۋستام ءابدىراحمانوۆ.
"ادىرنا" ۇلتتىق پورتالى
