بۇلاردىڭ مۇلكىنىڭ ءبارىن تاركىلەپ، مەملەكەتتىك بيۋدجەتكە قايتارۋ كەرەك!

2010
Adyrna.kz Telegram

قر پارلامەنتىندە وتە دۇرىس ماسەلە كوتەرىلدى.

بەرىك دۇيسەنبينوۆ اعامىز ەلدەگى جالعان كۆازيمەملەكەتتىك كومپانيلاردىڭ ءتىزىمىن اتادى. ولاردىڭ سانى 6000-نان اسىپ جىعىلادى ەكەن. ەڭ ءبىر سوراقىسى - وسى كولەڭكەلى ەكونوميكانىڭ كوشباسشىلارى بولىپ وتىرعان كۆازيمەملەكەتتىك كومپانيالار مەملەكەت تابىسىنىڭ 60 پايىزىنا جۋىعىن قالتالارىنا باسىپ وتىر ەكەن. بۇل دەگەن ماسقارا عوي. ءسىزدىڭ سالىعىڭىز بەن تولەمدەرىڭىزدىڭ تەڭ جارتىسىنان استامىن وسىلار جىمقىرىپ وتىر دەگەن ءسوز.

ال، ەندى ءوزىم اينالىسىپ جۇرگەن جەر داۋى ماسەلەسىنە كەلەيىن. ءبىزدىڭ اۋداندا التىنتوبە اۋىلى وكرۋگى مەن قاراباۋ اۋىل وكرۋگىندە 15000 حالىقتىڭ نەسىبەسى بولىپ وتىرعان 20000 گەكتاردان اسا جەردى "تۇركىستان" الەۋمەتتىك كاسىپكەرلىك كورپوراتسياسى مەن "اگرارىق عىلىمي ءبىلىم بەرۋ ورتالىعى" مەنشىكتەپ العان. ءبىر قىزىعى - قر-دا الەۋمەتتىك كاسىپكەرلىك كورپوراتسيالار تۋرالى زاڭ دا جوق، ونى قورعايتىن تەتىك تە جوق. بىراق وسى زاڭسىز قۇرىلىمدار حالىقتىڭ مۇلكىن يەلەنىپ، ءبىر بىرىمەن ارازداستىرىپ وتىر.

2009 جىلى "الەۋمەتتىك كاسىپكەرلىك كورپوراتسيالار" تۋرالى زاڭ جوباسى پارلامەنتكە ۇكىمەتتىڭ قاۋلىسىمەن بەرىلگەن. بىراق پارلامەنت زاڭ جوباسىن قابىلداماي، كەرى قايتارىپ تاستاعان. قايتا تاعى دا ۇكىمەتتىڭ قاۋلىسىمەن بەرىلگەندە، تاعى دا قايتارىپ تاستاعان. زاڭسىز قۇرىلىم سپك (سوتسيالنايا پرەدپرينيماتەلسكايا كورپوراتسيا) حالىقتىڭ جەرىن مەنشىكتەپ الىپ، ميللياردتاپ قاراجات تاۋىپ كەلدى. حالىققا مۇلدەم پايداسى بولمادى. كەرىسىنشە، تابىسىنان قاعىپ، جۇمىسسىز قالدىرىپ، اعايىندى التى ەلدى مەكەندى الاۋىز قىلىپ ءبىتتى. پايدا تاپقان تەك سپك-مەن سىبايلاس لوببيستتەر عانا بولىپ، حالىقتىڭ الەۋمەتتىك جاعدايى جايىندا قالدى. بەرگەن ۋادەلەرىنىڭ ءبىرى دە ورىندالمادى.

بەرىك دۇيسەنبينوۆ اعامىز وتە دۇرىس باستاما كوتەرىپ وتىر. بۇلاردىڭ مۇلكىنىڭ ءبارىن تاركىلەپ، مەملەكەتتىك بيۋدجەتكە قايتارۋ كەرەك دەدى. قولدايمىن. تاركىلەپ، ۇرلىقتىڭ ءبارىنىڭ بەتىن اشىپ، جازاسىن بەرۋ كەرەك.

قازىعۇرت اۋدانىندا التىنتوبە اۋىلى وكرۋگى مەن قاراباۋ اۋىل وكرۋگىنىڭ جەرلەرى وسىنداي زاڭسىز قۇرىلىمنىڭ مەنشىگىندە تۇر. حالىقتا نە جەر جوق، نە جۇمىس جوق، نە كاسىپ جوق.

قۇرمەتتى، ەستيتىن مەملەكەتتىك باسشىلارى!
سىزدەردەن وسى زاڭسىزدىقتاردىڭ ءبارىنىڭ الدىن الىپ، حالىقتى اشىندىرماي، قۇقىن رەتكە كەلتىرىپ بەرۋلەرىڭىزدى تالاپ ەتەمىز!
پارلامەنت ماجىلىسىندەگى باسقا دا دەپۋتاتتار:
قازىبەك يسا
جاناربەك ءاشىمجان
ەدىل جاڭبىرشين اعالارىما دا وسى كۇردەلى ماسەلەلەردى جەتىزگىم كەلەدى.

اعالار، ءبىز جاقتا حالىق قينالىپ وتىر. ءبىز جاقتاعى جۇرتشىلىقتىڭ زارى مەن مۇڭىنا قۇلاق تۇرىڭىزدەر!

بەكبولات قارجان، 

"ادىرنا" ۇلتتىق پورتالى

پىكىرلەر