Bulardyń múlkiniń bárin tárkilep, memlekettik bıýdjetke qaıtarý kerek!

2008
Adyrna.kz Telegram

QR Parlamentinde óte durys másele kóterildi.

Berik Dúısenbınov aǵamyz eldegi jalǵan kvazımemlekettik kompanılardyń tizimin atady. Olardyń sany 6000-nan asyp jyǵylady eken. Eń bir soraqysy - osy kóleńkeli ekonomıkanyń kóshbasshylary bolyp otyrǵan kvazımemlekettik kompanııalar memleket tabysynyń 60 paıyzyna jýyǵyn qaltalaryna basyp otyr eken. Bul degen masqara ǵoı. Sizdiń salyǵyńyz ben tólemderińizdiń teń jartysynan astamyn osylar jymqyryp otyr degen sóz.

Al, endi ózim aınalysyp júrgen jer daýy máselesine keleıin. Bizdiń aýdanda Altyntóbe aýyly okrýgi men Qarabaý aýyl okrýginde 15000 halyqtyń nesibesi bolyp otyrǵan 20000 gektardan asa jerdi "Túrkistan" áleýmettik kásipkerlik korporaııasy men "Agraryq ǵylymı bilim berý ortalyǵy" menshiktep alǵan. Bir qyzyǵy - QR-da áleýmettik kásipkerlik korporaııalar týraly zań da joq, ony qorǵaıtyn tetik te joq. Biraq osy zańsyz qurylymdar halyqtyń múlkin ıelenip, bir birimen arazdastyryp otyr.

2009 jyly "Áleýmettik kásipkerlik korporaııalar" týraly zań jobasy Parlamentke úkimettiń qaýlysymen berilgen. Biraq Parlament zań jobasyn qabyldamaı, keri qaıtaryp tastaǵan. Qaıta taǵy da úkimettiń qaýlysymen berilgende, taǵy da qaıtaryp tastaǵan. Zańsyz qurylym SPK (Soıalnaıa predprınımatelskaıa korporaııa) halyqtyń jerin menshiktep alyp, mıllıardtap qarajat taýyp keldi. Halyqqa múldem paıdasy bolmady. Kerisinshe, tabysynan qaǵyp, jumyssyz qaldyryp, aǵaıyndy alty eldi mekendi alaýyz qylyp bitti. Paıda tapqan tek SPK-men sybaılas lobbıstter ǵana bolyp, halyqtyń áleýmettik jaǵdaıy jaıynda qaldy. Bergen ýádeleriniń biri de oryndalmady.

Berik Dúısenbınov aǵamyz óte durys bastama kóterip otyr. Bulardyń múlkiniń bárin tárkilep, memlekettik bıýdjetke qaıtarý kerek dedi. Qoldaımyn. Tárkilep, urlyqtyń báriniń betin ashyp, jazasyn berý kerek.

Qazyǵurt aýdanynda Altyntóbe aýyly okrýgi men Qarabaý aýyl okrýginiń jerleri osyndaı zańsyz qurylymnyń menshiginde tur. Halyqta ne jer joq, ne jumys joq, ne kásip joq.

Qurmetti, estıtin memlekettik basshylary!
Sizderden osy zańsyzdyqtardyń báriniń aldyn alyp, halyqty ashyndyrmaı, quqyn retke keltirip berýlerińizdi talap etemiz!
Parlament májilisindegi basqa da depýtattar:
Qazybek Isa
Janarbek Áshimjan
Edil Jańbyrshın aǵalaryma da osy kúrdeli máselelerdi jetizgim keledi.

Aǵalar, biz jaqta halyq qınalyp otyr. Biz jaqtaǵy jurtshylyqtyń zary men muńyna qulaq túrińizder!

Bekbolat QARJAN, 

"Adyrna" ulttyq portaly

Pikirler