اقپاننىڭ 4-5 كۇندەرى مەملەكەت باسشىسى جۇمىس ساپارىمەن قىتايعا بارادى. بۇل تۋرالى پرەزيدەنتتىڭ ءباسپاسوز حاتشىسى بەرىك ءۋالي جازدى، دەپ حابارلايدى «ادىرنا» ءتىلشىسى.
«اقپاننىڭ 4-5 كۇندەرى مەملەكەت باسشىسى قاسىم-جومارت توقاەۆ قحر توراعاسى سي ءتسزينپيننىڭ شاقىرۋىمەن XXIV قىسقى وليمپيادا ويىندارىنىڭ اشىلۋ سالتاناتىنا قاتىسۋ ءۇشىن بەيجىڭ قالاسىنا جۇمىس ساپارىمەن بارادى.
سونىمەن قاتار ساپار بارىسىندا قازاقستان پرەزيدەنتى مەن قىتاي توراعاسى ەكىجاقتى كەلىسسوز جۇرگىزەدى دەپ جوسپارلانعان»،– دەدى ول.
«ادىرنا» ۇلتتىق پورتالى
