پرەزيدەنتتىڭ مەمتىلدە سۇحبات بەرمەگەنى دۇرىس بولمادى، بىراق سوزدەرىندە پودتەكست كوپ، سونى سارالايىق دەگەنىم ءۇشىن قىرعىن سىنعا (كەيبىر بوقتىق ارالاس قارعىستى سىن دەۋگە كەلسە) قالدىق كەشە.
تاپ ءبىر مەن مەملەكەتتىك تىلگە قارسى شىعىپ جاتقانداي، بولماسا ءانى-مىنە ءتىلىمىزدى جەرلەپ تاستايتىنداي.
بۇل نە سوندا؟
پرەزيدەنتتىڭ العاشقى سۇحباتىنان ىشكى-سىرتقى ساياسات، كوررۋپتسيا، كەشەگى قاڭتار دۇربەلەڭىنە بايلانىستى ۇستانىمى ت.ب.، ماسەلەلەردى ءبىلۋ كەرەك ەمەس پە بىزگە؟
جاقسى تىلگە قاتىستى ايتايىن، ەندەشە. قازاق ءتىلى مەنىڭ ويىمشا ەندى كوتەرىلەدى ءوز بيىگىنە!
مەن ونى تىلگە قاتىستى ونداعان سوتقا قاتىسىپ بارىندە دە جەڭىسكە جەتكەن ادۆوكات رەتىندە ايتا الامىن! ودان باسقا، كەشەگى قاڭتار دۇربەلەڭى تاپ-تازا قازاقتىلدى قازاقتاردىڭ ەڭبەگى، ول اكسيوما!
ەندىگى جەردە سىزدەر ارقايسىڭىز، جۇرگەن جەرلەرىڭدە قازاق تىلىندە قىزمەت ەتۋدى تالاپ ەتىپ باستاڭىز! ءبارى ءبىرىنشى باسشىعا بايلانىستى دەپ كەلەتىن پەسسيميستىك كوڭىل-كۇيدەن ارىلىڭىز! جالپى وسى ەلدىڭ ازاماتى رەتىندە، موينىڭىزعا جاۋاپكەرشىلىك ارقالاپ ۇيرەنىڭىز!
سوسىن، قازاق ءتىلى ءۇشىن رف-نا كىرۋگە 50 جىلعا دەيىن تيىم سالىنعان، ۇستىنەن قر ۇكىمەتى قىلمىستىق ءىس قوزعاپ، شەتەلگە كەتۋگە ءماجبۇر بولعان قۋات احمەتوۆتى ەلگە الدىرتايىق دەگىم كەلەدى!
"ادىرنا" ۇلتتىق پورتالى
