Prezıdenttiń memtilde suhbat bermegeni durys bolmady, biraq sózderinde podtekst kóp, sony saralaıyq degenim úshin qyrǵyn synǵa (keıbir boqtyq aralas qarǵysty syn deýge kelse) qaldyq keshe.
Tap bir men memlekettik tilge qarsy shyǵyp jatqandaı, bolmasa áni-mine tilimizdi jerlep tastaıtyndaı.
Bul ne sonda?
Prezıdenttiń alǵashqy suhbatynan ishki-syrtqy saıasat, korrýpııa, keshegi qańtar dúrbeleńine baılanysty ustanymy t.b., máselelerdi bilý kerek emes pe bizge?
Jaqsy tilge qatysty aıtaıyn, endeshe. Qazaq tili meniń oıymsha endi kóteriledi óz bıigine!
Men ony tilge qatysty ondaǵan sotqa qatysyp bárinde de jeńiske jetken advokat retinde aıta alamyn! Odan basqa, keshegi qańtar dúrbeleńi tap-taza qazaqtildi qazaqtardyń eńbegi, ol aksıoma!
Endigi jerde Sizder árqaısyńyz, júrgen jerlerińde qazaq tilinde qyzmet etýdi talap etip bastańyz! Bári birinshi basshyǵa baılanysty dep keletin pessımıstik kóńil-kúıden arylyńyz! Jalpy osy eldiń azamaty retinde, moınyńyzǵa jaýapkershilik arqalap úırenińiz!
Sosyn, qazaq tili úshin RF-na kirýge 50 jylǵa deıin tıym salynǵan, ústinen QR Úkimeti qylmystyq is qozǵap, shetelge ketýge májbúr bolǵan Qýat Ahmetovty elge aldyrtaıyq degim keledi!
"Adyrna" ulttyq portaly
