3 ءساۋىر كۇنى حالىقتىق جانە ساندىك-قولدانبالى ونەردىڭ بۇكىلرەسەيلىك مۋزەيى قازاقستان رەسپۋبليكاسى ۇلتتىق مۋزەيىمەن بىرلەسىپ، حالىقارالىق «التىن ادامنىڭ الەم مۋزەيلەرىنە شەرۋى» اتتى جوبا اياسىندا «ۇلى دالا مۇراسى: زەرگەرلىك ونەر جاۋھارلارى» كورمەسىن اشادى.
قر مادەنيەت جانە سپورت مينيسترلىگى جۇزەگە اسىرىپ جاتقان «رۋحاني جاڭعىرۋ» باعدارلاماسى اياسىندا قۇرىلعان «التىن ادامنىڭ الەم مۋزەيلەرىنە شەرۋى» حالىقارالىق جوباسى ەۋرازيانىڭ ۇلى دالا بەلدەۋىنىڭ باي مادەني مۇراسىنا شەتەلدىك قوعامداستىقتى تانىستىرۋ بولىپ تابىلادى.
كورمەنىڭ نەگىزگى ەكسپوناتى – «التىن ادام»، ەسىك قورعانىندا تابىلعان جاۋىنگەر جاساعى. ارحەولوگتار «التىن ادامنىڭ» جەرلەۋ كامەراسىننان بارلىعى 4800 اشەكەي تاپقان. بۇل بۇرىن-سوڭدى تابىلعان قورعاندار ىشىندەگى مىسىر پەرعاۋىنى تۋتانحاموننىڭ قابىرىنەن كەيىنگى ەڭ كوپ التىن اشەكەيلەر تابىلعان قورعان بولىپ سانالادى.
قازاقستان رەسپۋبليكاسى ۇلتتىق مۋزەيىنىڭ قورلارىنان ءحىح عاسىر مەن حح عاسىردىڭ ورتاسىنا دەيىنگى ۋاقىتقا جاتاتىن كۇمىستەن جاسالعان ايەلدەر اشەكەيلەرى تانىستىرىلادى.
«التىن ادامنىڭ الەم مۋزەيلەرىنە شەرۋى» حالىقارالىق كورمە جوباسىنىڭ مارشرۋتىنا تمد، ازيا، ەۋروپا جانە امەريكا ەلدەرى كىرەدى.
baq.kz
