3 sáýir kúni Halyqtyq jáne sándik-qoldanbaly ónerdiń búkilreseılik mýzeıi Qazaqstan Respýblıkasy Ulttyq mýzeıimen birlesip, halyqaralyq «Altyn adamnyń álem mýzeılerine sherýi» atty joba aıasynda «Uly dala murasy: zergerlik óner jaýharlary» kórmesin ashady.
QR Mádenıet jáne sport mınıstrligi júzege asyryp jatqan «Rýhanı jańǵyrý» baǵdarlamasy aıasynda qurylǵan «Altyn adamnyń álem mýzeılerine sherýi» halyqaralyq jobasy Eýrazııanyń Uly Dala beldeýiniń baı mádenı murasyna sheteldik qoǵamdastyqty tanystyrý bolyp tabylady.
Kórmeniń negizgi eksponaty – «Altyn adam», Esik qorǵanynda tabylǵan jaýynger jasaǵy. Arheologtar «Altyn adamnyń» jerleý kamerasynnan barlyǵy 4800 áshekeı tapqan. Bul buryn-sońdy tabylǵan qorǵandar ishindegi Mysyr perǵaýyny Týtanhamonnyń qabirinen keıingi eń kóp altyn áshekeıler tabylǵan qorǵan bolyp sanalady.
Qazaqstan Respýblıkasy Ulttyq mýzeıiniń qorlarynan HIH ǵasyr men HH ǵasyrdyń ortasyna deıingi ýaqytqa jatatyn kúmisten jasalǵan áıelder áshekeıleri tanystyrylady.
«Altyn adamnyń álem mýzeılerine sherýi» halyqaralyq kórme jobasynyń marshrýtyna TMD, Azııa, Eýropa jáne Amerıka elderi kiredi.
baq.kz
