Apple iPhone قولدانۋشىلارى ءۇشىن بەتپەردەدەن تانۋ مۇمكىندىگىن قوستى. بۇل تۋرالى The Verge مالىمدەدى، - دەپ حابارلايدى "ادىرنا" ۇلتتىق پورتالى Lenta.ru سايتىنا سىلتەمە جاساپ.
IOS 15.4 بەتا-نۇسقاسىندا بەتپەردە كيگەن يەسىنىڭ سمارتفوننىڭ قۇلپىن اشۋ مۇمكىندىگى پايدا بولدى. وسىلايشا iPhone بەتىنە قورعانىس اكسەسسۋار كيگەن قولدانۋشىنى تاني باستادى. قۇرىلعى يەلەرى بۇل مۇمكىندىكتى تەلەفون پارامەترلەرىنەن قوسىپ الا الادى.
وپتسيانى ورناتقان كەزدە، iPhone «بىرەگەي كوز ايماقتارى» ارقىلى يەسىن تاني الاتىنى تۋرالى حابارلاما پايدا بولادى. بۇرىن Face ID فۋنكتسياسى پايدالانۋشىنىڭ بەتى ەشقانداي كيىم مەن اكسەسسۋارلارمەن جابىلماعان جاعدايدا عانا جۇمىس ىستەيتىن. بۇل رەتتەگى حابارلامادا بەتپەردە كيگەن بەتتى اشۋ ءبىراز ۋاقىت الۋى مۇمكىن ەكەنى ايتىلادى.
قازىرگى ۋاقىتتا بۇل مۇمكىندىك تەك iPhone 12 جانە 13 سەريالى سمارتفونداردا جۇمىس ىستەيدى. بەتپەردەمەن تەلەفون قۇلپىن اشۋ وپتسياسى iOS 15.4 كوپشىلىككە جاريالانعاننان كەيىن Face ID بار بارلىق Apple سمارتفوندارىندا قولجەتىمدى بولادى دەپ كۇتىلۋدە.
2021 جىلدىڭ ساۋىرىندە Apple Apple Watch پايدالانۋشىلارى ءۇشىن iPhone-عا بەتپەردەمەن قۇلپىن اشۋ مۇمكىندىگىن قوستى. ەگەر سمارت ساعاتتىڭ قۇلپى اشىلعان بولسا، Face ID iPhone قورعانىسىن بوساتادى.
"ادىرنا" ۇلتتىق پورتالى
