الماتىداعى مەترو بەكەتىنىڭ جانىنان وق-ءدارى تابىلدى، دەپ حابارلايدى «ادىرنا» ءتىلشىسى Polisia.kz-كە سىلتەمە جاساپ.
ونى پوليتسيانىڭ دوزور ەسىمدى ىزكەسۋشى ءيتى تاپتى.
تۇسكە تامان ينسپەكتور-كينولوگ “اباي” بەكەتىنە ىرگەلەس اۋماقتى ارالاپ شىقتى. ءبىر كەزدە جارىلعىش زاتتاردى ىزدەۋگە ماشىقتانعان قىزمەتتىك يت ءيىستى سەزىپ، سەرىكتەسىن شىرشالارى بار الاڭعا جەتەلەدى. ونىڭ ءبىرىنىڭ استىنان 5,45 كاليبرلى كالاشنيكوۆ اۆتوماتىنىڭ 30 دانا پاترونى جانە ەكى بىرلىك جارىقشۋلى گراناتا تابىلدى. وق-ءدارىنى مەدەۋ اۋداندىق پوليتسيا باسقارماسىنىڭ جەدەل-تەرگەۋ توبى پروتسەسسۋالدىق تارتىپتە تاركىلەدى. ولاردىڭ ناقتى تيەسىلىگى تەرگەۋ بارىسىندا انىقتالادى، – دەدى مەتروپوليتەندەگى پوليتسيا باسقارماسىنىڭ باستىعى ەرىك ناسىربەكوۆ.
«ادىرنا» ۇلتتىق پورتالى
