ۇقك-ءنىڭ بۇرىنعى باسشىسى كارىم ءماسىموۆتىڭ قىلمىستىق ءىسى "وتە قۇپيا" ساناتىنا جاتقىزىلعان، سول سەبەپتى سوتقا دەيىنگى تەرگەۋ دەرەكتەرى جاريا ەتىلمەيدى، دەپ حابارلايدى "ادىرنا" ۇلتتىق پورتالى "ريا نوۆوستي"-گە سىلتەمە جاساپ.
ء"ماسىموۆ ك.ك. جانە سادىكۋلوۆا ا.ت. قاتىستى قاماۋعا الۋ تۇرىندەگى بۇلتارتپاۋ شاراسى سانكتسيالاندى. ەرعوجين د.ە قاتىستى بۇلتارتپاۋ شاراسىن قابىلداۋ ماسەلەسى قاراستىرىلۋدا", - دەپ جاۋاپ بەرگەن ۇقك اگەنتتىكتىڭ سۇراعىنا.
باسقارما ءىس قىلمىستىق كودەكستىڭ ءۇش بابىمەن قاراستىرىلعان قىلمىس بەلگىلەرى بويىنشا تەرگەلىپ جاتقانىن قوسىپ وتكەن. ۇستالعان ازاماتتار وزىنە نەمەسە باسقالارعا پايدا مەن ارتىقشىلىقتار الۋ ماقساتىندا قىزمەتتىك وكىلەتتىكتەرىن اسىرا پايدالاندى، سونداي-اق مەملەكەتكە وپاسىزدىق جاسادى جانە بيلىكتى كۇشتەپ باسىپ الۋعا نەمەسە قازاقستاننىڭ كونستيتۋتسيالىق قۇرىلىسىن وزگەرتۋگە باعىتتالعان ارەكەتتەر جاسادى دەگەن كۇدىككە ىلىنگەن.
"ادىرنا" ۇلتتىق پورتالى.
