«روپ وپەراتور» جشس توراعاسى مەدەت قۇمارعاليەۆ نۇر-سۇلتانداعى ۋاقىتشا ۇستاۋ يزولياتورىنا قامالدى، دەپ حابارلايدى "ادىرنا" ۇلتتىق پورتالى اقپارات كوزىنە سىلتەپ.
«قۇمارعاليەۆ ۋاقىتشا ۇستاۋ يزولياتورىنا قامالدى، بىراق پىرىمقۇلوۆ (احمەتجان، ەكولوگيا، گەولوگيا جانە تابيعي رەسۋرستار ۆيتسە-ءمينيسترى – ەسكەرتپە) مەنىڭ بىلۋىمشە ول جەردە جوق»، - دەپ حابارلادى سارسەنبىدە قازتاگ رەداكتسياسىنىڭ دەرەككوزى.
بۇعان دەيىن ينتەرنەتتە پىرىمقۇلوۆتىڭ قۇمارعاليەۆپەن بىرگە قازاقستاننان شىقپاق بولعان جەرىندە ۇستالعانى تۋرالى حابارلاما پايدا بولعان.
پىرىمقۇلوۆ 2019 جىلدىڭ شىلدەسىندە ەقمب باسشىسىنىڭ ورىنباسارى بولىپ تاعايىندالدى.
قۇمارعاليەۆ 2019 جىلدىڭ قاراشا ايىنان بەرى «روپ وپەراتور» جشس-ءنىڭ باسشىسى بولدى.
ەسكە سالايىق، 11 قاڭتاردا پرەزيدەنت قاسىم-جومارت توقاەۆ «روپ وپەراتور» جشس-ءىن ۋتيلسبور جيناۋدى مونوپوليالىق قۇقىعىنان ايىرۋدى تاپسىرعان بولاتىن. مۇنى شەت ەلدەردەگىدەي مەملەكەتتىك ۇيىم جاساۋى كەرەكتىگىن قاداپ ايتتى. الىمداردىڭ وزىنە كەلەتىن بولساق، مەملەكەت باسشىسىنىڭ پىكىرىنشە، ولاردىڭ مولشەرلەمەسىن قايتا قاراۋ كەرەك. ناتيجەسىندە قۇرىلىم قايتا وڭدەۋدى جۇزەگە اسىرۋ قۇقىعىنان ايىرىلىپ، مەملەكەت باقىلاۋىنا ءوتتى. 19 قاڭتاردا «روپ وپەراتور» ۋتيلسبور الۋ قۇقىعىنان ايىرىلدى - بۇل كومپانيا ءاليا نازارباەۆامەن بايلانىستى بولاتىن.
"ادىرنا" ۇلتتىق پورتالى
