2022 جىلعى 24 قاڭتاردا نۇربولات سەرعاليۇلى ايداپكەلوۆ «بايتەرەك» ۇلتتىق باسقارۋشى حولدينگى» اق باسقارما توراعاسىنىڭ ءبىرىنشى ورىنباسارى بولىپ تاعايىندالدى، دەپ حابارلايدى "ادىرنا" ۇلتتىق پورتالى.
ول بۇعان دەيىن قازاقستان رەسپۋبليكاسى ستراتەگيالىق جوسپارلاۋ جانە رەفورمالار اگەنتتىگىنىڭ ۇلتتىق ستاتيستيكا بيۋروسىن باسقارعان.
«بايتەرەك» حولدينگىندە ول اگروونەركاسىپ كەشەنىن قولداۋ جانە دامىتۋ ماسەلەلەرىن قاداعالايتىن بولادى.
ايداپكەلوۆ 1979 جىلى جامبىل وبلىسىندا دۇنيەگە كەلگەن. 2000 جىلى قازاق مەملەكەتتىك باسقارۋ اكادەمياسىن «ەسەپ جانە اۋديت» ماماندىعى بويىنشا بىتىرگەن. 2002 جىلى قازاق گۋمانيتارلىق زاڭ ۋنيۆەرسيتەتىن «قۇقىقتانۋ» ماماندىعى بويىنشا بىتىرگەن.
2001 جىلعى قاڭتاردان 2003 جىلعى قاراشاعا دەيىن قازاقستان رەسپۋبليكاسى ستاتيستيكا اگەنتتىگىنىڭ «اقپاراتتىق-ەسەپتەۋ ورتالىعى» رمك-دا جۇمىس ىستەدى.
2003-2007 جىلدارى - «ەكسپورتتىق نەسيەلەر مەن ينۆەستيتسيالاردى ساقتاندىرۋ جونىندەگى مەملەكەتتىك ساقتاندىرۋ كورپوراتسياسى» اق قارجى دەپارتامەنتىنىڭ باس مامانى، ديرەكتورى.
2007-2008 جىلدارى - «قازاگرو» ۇبح» اق باسقارۋشى ديرەكتورى.
2008-2009 جىلدارى - «قازاگروگارانت» اق باسقارما توراعاسى.
2009 جىلعى شىلدەدەن جەلتوقسانعا دەيىن - «AstanaKnowledgeCity» اق كەڭەسشىسى.
2009-2013 جىلدارى - قازاقستان رەسپۋبليكاسى ستاتيستيكا اگەنتتىگى توراعاسىنىڭ ورىنباسارى، جاۋاپتى حاتشىسى.
2013-2014 جىلدارى - قازاقستان رەسپۋبليكاسى ستاتيستيكا اگەنتتىگىنىڭ الەۋمەتتىك-دەموگرافيالىق ستاتيستيكا دەپارتامەنتىنىڭ ديرەكتورى.
2015 جىلدىڭ قاڭتارىنان 2016 جىلدىڭ مامىرىنا دەيىن كوممەرتسيالىق قۇرىلىمداردا باسشىلىق قىزمەتتەردى اتقاردى.
2016 جىلعى 26 مامىردان باستاپ - قازاقستان رەسپۋبليكاسى ۇلتتىق ەكونوميكا مينيسترلىگى ستاتيستيكا كوميتەتىنىڭ توراعاسى.
2020 جىلعى 6 قازاندا ەل پرەزيدەنتىنىڭ جارلىعىمەن ستاتيستيكا كوميتەتى ۇلتتىق ستاتيستيكا بيۋروسى بولىپ قايتا قۇرىلدى.
2020 جىلعى 28 قازاننان باستاپ 2022 جىلعى 24 قاڭتارعا دەيىن – قازاقستان رەسپۋبليكاسى ستراتەگيالىق جوسپارلاۋ جانە رەفورمالار اگەنتتىگى ۇلتتىق ستاتيستيكا بيۋروسىنىڭ باسشىسى.
«قۇرمەت» وردەنىمەن، «ەرەن ەڭبەگى ءۇشىن»، «قازاقستان رەسپۋبليكاسىنىڭ تاۋەلسىزدىگىنە 20 جىل»، «قازاقستان رەسپۋبليكاسىنىڭ تاۋەلسىزدىگىنە 25 جىل» مەدالدارىمەن، «ستاتيستيكا ۇزدىگى» توسبەلگىسىمەن ماراپاتتالعان.
"ادىرنا" ۇلتتىق پورتالى
