اتىراۋدا 52 جاستاعى ايەل تۇڭعىشىن دۇنيەگە اكەلدى، دەپ حابارلايدى “ادىرنا” ۇلتتىق پورتالى.
ATPress.kz پورتالىنىڭ اقپاراتىنشا، 19 قاڭتار كۇنى ايەل اتىراۋ وبلىستىق پەريناتالدىق ورتالىعىنا تۇسكەن. مۇندا وعان شۇعىل وتا جاسالىپ، ۇل بالا دۇنيەگە كەلدى. جاڭا تۋعان نارەستەنىڭ سالماعى ءۇش كەلى 70 گرامم، بويى 51 سانتيمەتردى قۇرادى.
قازىرگى ۋاقىتتا انا مەن بالا ۇيدە، جاعدايلارى جاقسى. وبلىستىق پەريناتالدىق ورتالىقتىڭ ءباسپاسوز قىزمەتى ايەل ۇزاق جىلدار بويى ەمدەلگەننەن تابيعي جولمەن جۇكتى بولا الماعانىن ايتتى. ال جاساندى ۇرىقتاندىرۋدىڭ ارقاسىندا ول جۇكتى بولىپ، كوپتەن كۇتكەن بالانى دۇنيەگە اكەلدى.
“ادىرنا” ۇلتتىق پورتالى
