بايلار مەن كەدەيلەر اراسىنداعى الشاقتىق جول بەرۋگە بولمايدى - توقاەۆ

2074
Adyrna.kz Telegram

پرەزيدەنت قاسىم-جومارت توقاەۆ قازاقستاندا بايلار مەن كەدەيلەر اراسىنداعى الشاقتىق جول بەرۋگە بولمايتىن دەڭگەيگە جەتكەنىن مالىمدەدى، - دەپ حابارلايدى “ادىرنا” ۇلتتىق پورتالى Tengrinews.kz سايتىنا سىلتەمە جاساپ. 

مەملەكەت باسشىسىنىڭ ايتۋىنشا، قاڭتارداعى وقيعالار جىلدار بويى جيناقتالعان پروبلەمالاردى اشتى.

"الدىمىزدا بارلىق الەۋمەتتىك قۇرىلىمدى وزگەرتۋگە ستراتەگيالىق مىندەت تۇر. بىزگە قازاقستان ازاماتتارىنىڭ مۇددەسىنە ساي كەلەتىن رەفورمالار قاجەت، ەل وزگەردى جانە ازاماتتارىمىزدىڭ ەكونوميكالىق جۇيەگە جانە جالپى ومىرگە دەگەن كوزقاراسى وزگەردى.

بايلار مەن كەدەيلەر اراسىنداعى الشاقتىق جول بەرۋگە بولمايتىن دەڭگەيگە جەتتى. سىبايلاس جەمقورلىق فونىندا، وزدەرىڭىز جاقسى بىلەسىزدەر، كاسىپكەرلەر جاقسى بىلەدى، تابىستاردىڭ مۇنداي ستراتيفيكاتسياسى وق-ءدارى تولى بوشكەگە جاعىلعان سىرىڭكە ءرولىن اتقاردى، ونى تەرروريستەر، سودىرلار جانە ولاردىڭ ارتىندا تۇرعان كەلىسسوزشىلەر پايدالاندى", - دەدى توقاەۆ نۇر-سۇلتانداعى بيزنەس وكىلدەرىمەن كەزدەسۋ كەزىندە.

جاريالانعان الەۋمەتتىك-ەكونوميكالىق كۇن ءتارتىبى مەن ناقتى جاعداي اراسىنداعى كەلىسپەۋشىلىك سىني ماسساعا يە بولدى، دەپ قوستى پرەزيدەنت.

ء"دال وسى سەبەپتى ءبىز ەكونوميكالىق ساياساتتى قايتا جۇكتەۋ بويىنشا بىرلەسكەن جۇمىسقا شۇعىل كىرىسۋىمىز كەرەك.

ويىننىڭ جاڭا ەرەجەسىن انىقتاۋ قاجەت: ادال، اشىق، ءادىل. مۇنى قالاي دۇرىس جاساۋ كەرەك، قانداي قۇرالداردى قولدانۋ كەرەك؟ ەلىمىزدە شەكتەۋلى ەليتا توپتارى ەكونوميكالىق وسۋدەن ۇتا باستادى، ال كوپشىلىكتىڭ تابىسى ازايادى نەمەسە توقىرايدى", - دەدى قاسىم-جومارت توقاەۆ.

“ادىرنا” ۇلتتىق پورتالى

پىكىرلەر