پرەزيدەنت قاسىم-جومارت توقاەۆ بيزنەستىڭ ءبىر قولعا شوعىرلانۋى مەملەكەت ءۇشىن قاۋىپتى ءۇردىس ەكەنىن ايتتى، - دەپ حابارلايدى “ادىرنا” ۇلتتىق پورتالى Tengrinews.kz سايتىنا سىلتەمە جاساپ.
پرەزيدەنت رەفورمالار جونىندەگى جوعارى ەكونوميكالىق كەڭەس وتىرىستارىنىڭ بىرىندە قازاقستاندا وليگوپوليا بار ەكەنىن ايتقانىن ەسكە الدى.
"مەن ءدال وسى تەزيستى پارلامەنتتە 11 قاڭتاردا قايتالادىم. مۇندا قاتىسقانداردىڭ ءبارى وليگوپوليانىڭ كلاسسيكالىق انىقتاماسىن بىلەدى دەپ ۇمىتتەنەمىن. بيزنەستىڭ ءبىر قولعا شوعىرلانۋى، كاسىپكەرلىككە قابىلەتتى باسقا ادامداردىڭ اينالىسۋ مۇمكىندىگى بولماۋى بارلىق مەملەكەت ءۇشىن قاۋىپتى ءۇردىس سانالادى.
ءبىزدىڭ جاعدايدا بۇل ەرەكشە كۇشپەن كورىندى. وليگوپوليا - بيزنەستى ارتاراپتاندىرۋعا تۇراقتى ۇمتىلىس، بىراق بۇل ەل ەكونوميكاسىن ءارتاراپتاندىرۋ ءۇشىن ەمەس. ياعني، سول ادام نەمەسە سول كومپانيا وندىرەدى، وڭدەيدى جانە بانكتەرمەن جۇمىس ىستەيدى جانە باسقا دا كوپتەگەن بيزنەستەردى جۇزەگە اسىرادى، ال قالعاندارى تيگەنىن الادى", - دەدى توقاەۆ.
