Prezıdent Qasym-Jomart Toqaev bıznestiń bir qolǵa shoǵyrlanýy memleket úshin qaýipti úrdis ekenin aıtty, - dep habarlaıdy “Adyrna” ulttyq portaly Tengrinews.kz saıtyna silteme jasap.
Prezıdent reformalar jónindegi joǵary ekonomıkalyq keńes otyrystarynyń birinde Qazaqstanda olıgopolııa bar ekenin aıtqanyn eske aldy.
"Men dál osy tezısti Parlamentte 11 qańtarda qaıtaladym. Munda qatysqandardyń bári olıgopolııanyń klassıkalyq anyqtamasyn biledi dep úmittenemin. Bıznestiń bir qolǵa shoǵyrlanýy, kásipkerlikke qabiletti basqa adamdardyń aınalysý múmkindigi bolmaýy barlyq memleket úshin qaýipti úrdis sanalady.
Bizdiń jaǵdaıda bul erekshe kúshpen kórindi. Olıgopolııa - bıznesti ártaraptandyrýǵa turaqty umtylys, biraq bul el ekonomıkasyn ártaraptandyrý úshin emes. Iaǵnı, sol adam nemese sol kompanııa óndiredi, óńdeıdi jáne banktermen jumys isteıdi jáne basqa da kóptegen bıznesterdi júzege asyrady, al qalǵandary tıgenin alady", - dedi Toqaev.