قۇقىق قورعاۋ ورگاندارى الماتىداعى قىرعىنعا قاتىسقان سودىرلاردى جەرلەيتىن ورىنداردى انىقتاعان. بۇل تۋرالى بلوگەر بەيبىت الىبەكوۆكە پوليتسيا دەپارتامەنتى باستىعىنىڭ ورىنباسارى رۋستام ءابدىراحمانوۆ مالىمدەدى، دەپ حابارلايدى “ادىرنا” ۇلتتىق پورتالى Ulysmedia.kz سايتىنا سىلتەمە جاساپ.
ء"بىز ولاردىڭ جەرلەنەتىن جەرلەرىن بەلگىلەيمىز. نەگىزى،قازىردىڭ وزىندە ول جەر بەلگىلى. ورناتىلدى", - دەدى ءابدىراحمانوۆ.
رۋستام ءابدىراحمانوۆ سودىرلاردىڭ نەگە ءمايىتحانادان مايىتتەردى ۇرلاپ كەتكەنىن ءتۇسىندىردى.
بۇل امال نە ءۇشىن ىستەلەدى؟ مىسالى، ادامنىڭ دەنەسى ءبىزدىڭ قولىمىزدا بولسا، جەكە باسىن انىقتاۋعا مۇمكىندىك تۋار ەدى. بۇل جاعدايدا ولارعا ماسەلە تۋىندايدى. سول ءۇشىن وزدەرىمەن بىرگە ولار بار ءمايىتتى الىپ كەتتى، دەدى ول.
ەستەرىڭىزگە سالا كەتەيىك، بۇعان دەيىن الماتى پد باستىعى قانات تايمەردەنوۆ سودىرلاردىڭ 7 رەت مايىتحاناعا شابۋىل جاساپ، 41 ادامدى ۇرلاپ كەتكەنىن ايتقان بولاتىن. ونىڭ ايتۋىنشا، ولار پوليتسيا عيماراتتارىنا 27 رەت شابۋىل جاساعان.
“ادىرنا” ۇلتتىق پورتالى
