قوعام قايراتكەرى، ايتىسكەر اقىن، ءدىنتانۋشى مۇحامەدجان تازابەك ءوزى باسقاراتىن Talim.tv ارناسىنا سۇحبات بەرىپ، ەلدەگى سوڭعى جاعدايلارعا بايلانىستى پىكىر ءبىلدىردى، دەپ حابارلايدى “ادىرنا” ۇلتتىق پورتالى.
Orda.kz سايتىنىڭ مالىمدەۋىنشە، سوڭعى كۇندەرى توقاەۆ ەلباسى اۋلەتىنىڭ ادامدارىن قىزمەتتەن الىپ جاتىر. وسى وقيعالار ءسىزدى ۋايىمداتا ما؟
– مەن نە ءۇشىن ۋايىمداۋىم كەرەك؟ تيمۋر قۇلىباەۆپەن بىرگە مۇناي ساتىپ پا ەدىم، قايرات شارىپباەۆپەن بىرگە گاز ساتىپ ءجۇر مە ەدىم؟! ەلباسى اۋلەتىندەگى كەيبىر ادامدارمەن سىيلاستىق، سۇحباتتاس بولدىق. قىزمەت دەگەن ەشكىمنىڭ اتاسىنان قالعان مۇراسى ەمەس. بەلگىلى ءبىر اۋلەتتەگى بەلگىلى ءبىر ادامداردىڭ قىزمەتى تۇگىل، اتاقتى ديناستيالاردىڭ دا اقىرى بولعان. لاۋازىمداعى ادامدار اۋىسا بەرەدى، حالىقتىڭ ىرىسى قالسىن. ەلباسى مەنى ايتىسكەر اقىن رەتىندە جاقسى كوردى، رۋحاني اعارتۋشىلىق جۇمىستارىما اقىلىن ايتتى، – دەدى تازابەك.
ءسىز ەلباسىنىڭ باۋىرى قايرات ساتىبالدىمەن جاقسى قارىم-قاتىناستا ەكەنىڭىزدى ەلدىڭ ءبارى بىلەدى. «كرىشامنان» ايىرىلدىم دەپ قورىقپايسىز با؟
– بىرىنشىدەن ءبىز بىرنارسەنى ءبىلۋىمىز كەرەك، ءار پەندەنىڭ ءبىر قۇدايدان باسقا كرىشاسى جوق. قازاقتىڭ ءبىر قامكوڭىل، يماندى جىگىتى بولسا، قايرات اعاداي-اق بولسىن. حالىقتىڭ يگىلىگى، ۇلتتىق ونەردىڭ يگىلىگى ءۇشىن كوپ وتىنىشتەرمەن الدىنا باردىم. قايرات اعامىزعا قازاقتىڭ اقىندارى ريزا بولدى. مەن ۇمىتپاسام قايرات اعانىڭ سەبەپكەر بولۋىمەن 20 شاقتى اقىن تەمىر تۇلپارعا يە بولدى. ناماز وقيدى ەكەن دەپ، تەرروريستپەن بايلانىستىرۋعا بولمايدى. پاتشانىڭ ءىنىسى بولۋ دەگەن سىناقتى كوبىمىز كورگەن جوقپىز. پاتشانىڭ ءىنىسى بولماق تۇگىل، جۇمابەكتىڭ باجاسىنىڭ ءوزىنىڭ نە ىستەگەنىن كورىپ وتىرمىز عوي، – دەدى ول.
“ادىرنا” ۇلتتىق پورتالى
