جۋرناليستكە قول جۇمساپ، كاسىبي قىزمەتىنە كەدەرگى كەلتىردى دەپ ايىپتالعان ەكس-دەپۋتات بەكبولات تىلەۋحان جابىرلەنۋشى اينۇر كوسكينادان كەشىرىم سۇرادى، دەپ حابارلادى ”ادىرنا” ۇلتتىق پورتالى “ينفورمبيۋرو» باعدارلاماسىنا سىلتەمە جاساپ.
شەنەۋنىك سۇقبات بەرۋ كەزىندە تىلشىگە قاراتا ايتىلعان ارتىق سوزدەرىن قايتىپ الىپ، ەندى قايتالامايتىنىن ايتتى.
نۇر-سۇلتاندا ەكس-دەپۋتات بەكبولات تىلەۋحانعا قاتىستى اكىمشىلىك سوت باستالدى. سوت وتىرىسى بارىسىندا قوس تاراپ تا بولعان جايتتى تاپتىشتەپ ايتىپ بەردى. شەنەۋنىك وزىنە تاعىلعان ايىپتى مويىندامايدى. ءتىپتى، جابىرلەنۋشىلەر جالا جاۋىپ، ار-وجدانىمدى تاپتاعانى ءۇشىن سوتقا جۇگىنەمىن دەدى.
بىراق كۋاگەرلەردىڭ ءىستى تالقىلاۋعا قاتىسىپ وتىرعانىنا بايلانىستى سوت كەلەسى دۇيسەنبىگە اۋىستىرىلدى. ال جابىرلەنۋشى تاراپ سۋدياعا تالقىلاۋعا قاتىسقان كۋالاردى كەلەسى پروتسەسكە قاتىستىرماۋ تۋرالى ءوتىنىش ايتتى. سوزىنشە، بۇل كۋاگەرلەردىڭ وبەكتيۆتى بولۋىنا كەرى اسەرىن تيگىزەدى.
