"وپەراتور روپ" جشس-ءسى ماسەلەسى بويىنشا كەزەكتى الداۋ باستالدى. ۇكىمەت «وپەراتور روپ» جشس-ءنىڭ قىزمەتىن توقتاتۋ تۋرالى قاۋلى شىعارعانىمەن، ونىڭ كولىك الۋشىلارعا جاسالعان قانداي دا ءبىر جەڭىلدىكتەر جاساۋ تەتىكتەرىن قاراستىرماي وتىر.
قر ۇكىمەتى «وپەراتور روپ» جشس-ءنىڭ ۋتيليزاتسيالىق الىمدى اكىمشىلەندىرۋ جانە ءتيىستى قاراجاتتار مەن اكتيۆتەرىن باسقارۋ شەڭبەرىندەگى قىزمەتى توقتادى دەگەنىمەن، ونىڭ اتىن اۋىستىرىپ، زاتىن اۋىستىرعان جوق. دەمەك، الداۋدىڭ كەزەكتى ستادياسىنا ءوتتى. ۋتيليزاتسيالىق الىمنىڭ اكتيۆتەرى مەملەكەت مەنشىگىنە بەرىلدى دەدى، بىراق مۇندا حالىققا پايدالى ەشتەڭە كورىپ وتىرعان جوقپىن. ەندى «وپەراتور روپ» جشس-ءنىڭ مىندەتىن «جاسىل دامۋ» اق ورىندايدى ەكەن. مەيلى، مەملەكەت السىن، مەيلى اكتسيونەرلىك قوعام السىن، بىراق حالىققا پايدالى تەتىكتەر بولماسا، ءبارى بەكەر.
پرەزيدەنتتىڭ ءسوزى جەردە قالدى ما...؟
باياعى جارتاس سول جارتاس، قاڭق ەتەر تۇكتى بايقاماس.
اۆتويندۋستريا سالاسىن جاۋلاپ العان لوببيستتەر پرەزيدەنتتىڭ تاپسىرماسىن ورىندايتىن ءتۇرى جوق.
بەكبولات قارجان،
"ادىرنا" ۇلتتىق پورتالى
