"Operator ROP" JShS-si máselesi boıynsha kezekti aldaý bastaldy. Úkimet «Operator ROP» JShS-niń qyzmetin toqtatý týraly qaýly shyǵarǵanymen, onyń kólik alýshylarǵa jasalǵan qandaı da bir jeńildikter jasaý tetikterin qarastyrmaı otyr.
QR Úkimeti «Operator ROP» JShS-niń ýtılızaııalyq alymdy ákimshilendirý jáne tıisti qarajattar men aktıvterin basqarý sheńberindegi qyzmeti toqtady degenimen, onyń atyn aýystyryp, zatyn aýystyrǵan joq. Demek, aldaýdyń kezekti stadııasyna ótti. Ýtılızaııalyq alymnyń aktıvteri memleket menshigine berildi dedi, biraq munda halyqqa paıdaly eshteńe kórip otyrǵan joqpyn. Endi «Operator ROP» JShS-niń mindetin «Jasyl damý» AQ oryndaıdy eken. Meıli, memleket alsyn, meıli akıonerlik qoǵam alsyn, biraq halyqqa paıdaly tetikter bolmasa, bári beker.
Prezıdenttiń sózi jerde qaldy ma...?
Baıaǵy jartas sol jartas, qańq eter túkti baıqamas.
Avtoındýstrııa salasyn jaýlap alǵan lobbıstter prezıdenttiń tapsyrmasyn oryndaıtyn túri joq.
Bekbolat QARJAN,
"Adyrna" ulttyq portaly
