قاڭتاردىڭ قاندى قىرعىنى
ءومىردىڭ بولدى شىندىعى!
باق پەن سور دەگەن ءبىر دەمدە-
ويلاعان دەيسىڭ كىم مۇنى؟!.
ارىز دا ايتار كوپ تەگى،
نەگە ولار تىنىش كەتپەدى؟!.
وتىز جىل ايتقان ودامىز
وتىز ساعاتقا جەتپەدى!؟.
وتىز جىل ۇلتقا وگەيسىڭ،
وتىزدىق قايدا،- كەدەيسىڭ!
ايرىلعان جالعىز ۇلىنان
اكە-شەشەگە نە دەيسىڭ؟!.
قويعانىڭ قايدا كوپشىكتى؟
ال سودان قايدا ءشوپ شىقتى؟!
قانشاما جاندى وكسىتتى -
مۇرتسىز ساقالدار دەۋشى ەدىك،
ۇلتسىز “ناحالدار” بوپ شىقتى!
قايدا الگى سانسىز جيىندار؟
ورنادى نەگە قيىن حال؟!.
قاۋىپسىزدىگىمدى قورعايتىن
قاۋىپتى بولدى ۇيىمدار!
تۇسىنبەس ەلدى بايلار تۇك،
ەلىمە قونسىن قايدان قۇت؟!.
التىندى باسىپ وتىرىپ،
جالاڭاياققا اينالدىق!
قۇل بولىپ،قوجا تىلىنە،
جات بولىپ ءجۇرمىز كۇنىگە.
اتاڭنىڭ اتىن ايتا الماس،
ۇلتسىزدىق جەتەر تۇبىڭە!
اللادان ءبارى ورنايدى -
ازاتتىق باسقا قوندى ايگى.
قامىتتى كىمدەر قولدايدى؟!.
حالىقتى بىلمەس، سول قايعى!
ءتىل جوقتا - ءدىلىڭ جوق بولار،
ءدىل جوقتا دىمىڭ بولمايدى!
كوكجيەك قايدا كوپ بارار،
كوكەزۋ ءسوزدى توكتى ولار.
ۇلتشىلدىق ەگەر جوق بولسا،
ۇلتىڭ دا ءتۇبى جوق بولار!
حالىقتى دەگەن تونايىق،
بيلىكتە بولدى كوپ ايىپ.
تاۋەلسىز بولدىق ەندى ءبىز،
تاۋبە دەپ، اتقا قونايىق!
"ادىرنا" ۇلتتىق پورتالى.
