85 پاتسەنتتى ولتىرگەن دارىگەر سوت ۇكىمىنە شاعىمدانباق بولدى
85 پاتسيەنتتى ولتىرگەنى ءۇشىن ءومىر بويىنا سوتتالعان گەرماندىق دارىگەر اپەللياتسيالىق شاعىم ءتۇسىردى دەپ حابارلايدى «ادىرنا» ۇلتتىق پورتالى ABC News-كە سىلتەمە جاساپ.
گەرماندىق دارىگەر نيلس حەگەل 2019 جىلدىڭ ماۋسىمىندا سوتتالعان ەدى. ەر ادام 2000-2005 جىلدار ارالىعىندا ولدەنبۋرگ جانە دەلمەنحورست قالالارىنداعى اۋرۋحانالاردا جۇمىس جاساعان. تەرگەۋ مالىمەتتەرى بويىنشا، ول جانساقتاۋ بولىمىندەگى ناۋقاستارعا قاۋىپتى ەكپەلەر سالىپ وتىرعان. ال مەديتسينالىق قىزمەتكەردىڭ ءوزى «اۋىر حالدە جاتقانداردى قۇتقاردىم» دەپ ەسەپتەيدى.
11 قىركۇيەكتە سوت قىلمىسكەردىڭ اپەللياتسيالىق شاعىمىن قاناعاتتاندىرۋسىز قالدىردى.
گەگەل العاش رەت 2008 جىلى ادام ولتىرۋگە وقتالعانى ءۇشىن سوتتالىپ، جەتى جىل تۇرمەدە وتىرىپ شىققان. ەكىنشى رەت 2015 جىلى بەس جانە ودان دا كوپ ادامدى ولتىرگەنى ءۇشىن ءومىر بويىنا باس بوستاندىعىنان ايىرىلدى.
وسىدان كەيىن گەگەل پسيحياترعا 30-عا جۋىق كىسى ولتىرگەنىن مويىنداعان. ەكس-دارىگەردىڭ بۇل مالىمدەمەسى تەرگەۋدى جالعاستىرۋعا نەگىز بەردى. ناتيجەسىندە، گەرماندىق مەيىرگەردىڭ 85 ناۋقاستى ولتىرگەنى انىقتالدى.
ۇقساس جاڭالىقتار
