بەلگىلى قازاقستاندىق پروديۋسەر بايان الاگوزوۆا الماتىداعى ورتەنىپ، قاڭىراپ قالعان پرەزيدەنت رەزيدەنتسياسىن شىعارماشىلىق ورتالىعىنا اينالدىرۋ كەرەكتىگىن ايتتى دەپ حابارلايدى "ادىرنا" ۇلتتىق پورتالى.
پروديۋسەر بۇل تۋرالى ءوزىنىڭ ينستاگرامداعى پاراقشاسىنا جازدى. بايان ماقساتقىزى بۇل ۇسىنىسىن مەملەكەت باسشىسى قاسىم-جومارت توقاەۆتىڭ قۇلاق اساتىنىنا سەنىمدى.
"مەنىڭ ۇسىنىسىم شىندىققا جاناسپايتىن شىعار. بىراق نەگە سولاي جاساماسقا؟ مادەنيەت جانە ءبىلىم سالالارىنا اسا ءمان بەرمەگەنىمىز قالامىزدا سوڭعى ۋاقىتتا بولعان وقيعالاردان انىق كورىندى. پرەزيدەنت قيراعان نىسانداردىڭ ءبارىن قالىپقا كەلتىرۋدى، قالانى بۇرىنعىدان دا كورىكتەندىرە ءتۇسۋدى تاپسىردى. بۇل كەرەمەت جاڭالىق. بىراق بوس جاتقان عيماراتتى تاۋلىك بويى اسكەريلەر كۇزەتىپ تۇرسا، ونى قالىپقا كەلتىرۋدىڭ نە قاجەتى بار؟ ونىڭ ورنىنا ونەر ورتالىعىن اشىپ، بىلىكتى مامانداردى تارتۋ كەرەك. ۇيالى تەلەفونعا تەلمىرگەن بالالاردى سول ورتالىقتا تەگىن وقىتساق نۇر ۇستىنە نۇر بولار ەدى", — دەپ جازدى بايان الاگوزوۆا.
جەلىدە پروديۋسسەردىڭ بۇل ۇسىنىس قولداپ جاتقاندار كوپ. ءتىپتى ولاردىڭ اراسىندا انشىلەر دە بار.
"ادىرنا" ۇلتتىق پورتالى
