Belgili qazaqstandyq prodıýser Baıan Alagózova Almatydaǵy órtenip, qańyrap qalǵan Prezıdent rezıdenııasyn shyǵarmashylyq ortalyǵyna aınaldyrý kerektigin aıtty dep habarlaıdy "Adyrna" ulttyq portaly.
Prodıýser bul týraly óziniń ınstagramdaǵy paraqshasyna jazdy. Baıan Maqsatqyzy bul usynysyn Memleket basshysy Qasym-Jomart Toqaevtyń qulaq asatynyna senimdi.
"Meniń usynysym shyndyqqa janaspaıtyn shyǵar. Biraq nege solaı jasamasqa? Mádenıet jáne bilim salalaryna asa mán bermegenimiz qalamyzda sońǵy ýaqytta bolǵan oqıǵalardan anyq kórindi. Prezıdent qıraǵan nysandardyń bárin qalypqa keltirýdi, qalany burynǵydan da kóriktendire túsýdi tapsyrdy. Bul keremet jańalyq. Biraq bos jatqan ǵımaratty táýlik boıy áskerıler kúzetip tursa, ony qalypqa keltirýdiń ne qajeti bar? Onyń ornyna óner ortalyǵyn ashyp, bilikti mamandardy tartý kerek. Uıaly telefonǵa telmirgen balalardy sol ortalyqta tegin oqytsaq nur ústine nur bolar edi", — dep jazdy Baıan Alagózova.
Jelide prodıýsserdiń bul usynys qoldap jatqandar kóp. Tipti olardyń arasynda ánshiler de bar.
"Adyrna" ulttyq portaly
