الماتى وبلىسى، شامالعان اۋىلىندا بولات نازارباەۆتىڭ جەرلەۋ ءراسىمى ءوتتى. بولات نازارباەۆتىڭ ۇيىنە، سونداي-اق زيراتقا اپاراتىن جولدار جابىلىپ، ادامداردى وتكىزۋگە تىيىم سالىنىپ، بارلىق جەردى پوليتسيا كۇزەتتى. ەكس-پرەزيدەنتتىڭ اعاسىن سوڭعى ساپارعا شىعارىپ سالۋعا جينالعاندار كوپ بولدى. بۇل تۋرالى وقيعا ورنىنان كۋرسيۆ ءتىلشىسى جازدى، دەپ حابارلايدى «ادىرنا» ۇلتتىق پورتالى.
اقپارات قۇرالدارىنىڭ حابارلاۋىنشا، ءىنىسىنىڭ جانازاسىنا ەكس-پرەزيدەنت نۇرسۇلتان نازارباەۆ قاتىسقان. ال ءىس باسىنداعى رەسمي تۇلعالاردان پرەمەر-ءمينيستردىڭ جانازاعا قاتىسقانى ايتىلدى.
ەسكە سالايىق، قاسىم-جومارت توقاەۆ بولات نازارباەۆتىڭ قايتىس بولۋىنا بايلانىستى جاقىندارىنا كوڭىل ايتقان ەدى. پرەزيدەنتتىڭ جانازاعا قاتىسپايتىنى كەشە بەلگىلى بولعان.
