ەكولوگيا جانە تابيعي رەسۋرستار مينيسترلىگى ۋاقىت بەلدەۋىنىڭ وزگەرۋى تۋرالى اقپاراتقا قاتىستى پىكىر ءبىلدىردى، دەپ حابارلايدى «ادىرنا» ۇلتتىق پورتالى Massaget.kz سايتىنا سىلتەمە جاساپ.
الەۋمەتتىك جەلىدە تاراپ جاتقان اقپاراتتا بىرنەشە وڭىردە ۋاقىتتى ءبىر ساعات العا جىلجىتۋ جوسپارلانعانى ايتىلعان.
«وسىعان بايلانىستى قازاقستاننىڭ باتىس وڭىرلەرى، اتاپ ايتقاندا: اقتوبە، اتىراۋ، باتىس قازاقستان، قىزىلوردا، ماڭعىستاۋ وبلىستارى 2023 جىلعى 30 قاراشادان 1 جەلتوقسانعا قاراعان ءتۇنى (00:00-دە) ەلوردا ۋاقىتىنا، ءبىر ساعاتقا اۋىستىرىلادى»، – دەلىنگەن ماتىندە.
ەكولوگيا مينيسترلىگى قازىر قازاقستاندا ۋاقىتتى ەسەپتەۋدىڭ بىرىڭعاي ءتارتىبىن بەلگىلەۋ ماسەلەسى زەرتتەلىپ جاتقانىن راستادى.
«ەكولوگيا جانە تابيعي رەسۋرستار مينيسترلىگى ساۋدا جانە ينتەگراتسيا مينيسترلىگىمەن جانە باسقا دا مۇددەلى ۇيىمدارمەن بىرلەسىپ قازاقستان رەسپۋبليكاسىنىڭ اۋماعىندا ۋاقىتتى ەسەپتەۋدىڭ بىرىڭعاي ءتارتىبىن بەلگىلەۋ ماسەلەسىن زەردەلەپ جاتىر. دەپۋتاتتاردىڭ، ورتالىق مەملەكەتتىك ورگانداردىڭ، قوعام پەن عىلىمي ۇيىمدار وكىلدەرىنىڭ قاتىسۋىمەن جۇمىس توبى قۇرىلدى»، – دەدى ۆەدومستۆو وكىلدەرى.
الايدا ەكولوگيا مينيسترلىگى وكىلدەرى قازىر بۇل ماسەلە بويىنشا شەشىم قابىلدانباعانىن ايتتى. شەشىم ماسەلەنى ەگجەي-تەگجەيلى زەردەلەگەننەن كەيىن، سونداي-اق، قوعامدىق تالقىلاۋدان كەيىن قابىلدانادى.
«قازىر قازاقستان رەسپۋبليكاسىنىڭ اۋماعىندا ۋاقىت ەكى اكىمشىلىك ۋاقىت بەلدەۋىندە ەسەپتەلەدى: 4-ءشى (بقو، اقتوبە، اتىراۋ، قىزىلوردا، ماڭعىستاۋ وبلىستارى) جانە 5-ءشى (استانا، الماتى، شىمكەنت، اقمولا، الماتى، قاراعاندى، ۇلىتاۋ، تۇركىستان جانە باسقا دا وبلىستار)", – دەدى ەكولوگيا مينيسترلىگىنەن.
«ادىرنا» ۇلتتىق پورتالى
