«MEMLEKETTIK TUTASTYQ BÁRINEN MAŃYZDY» Shymkenttik zııaly qaýym ókilderi oqıǵa pikirin bildirdi

1889
Adyrna.kz Telegram

«Basty qundylyǵymyz – birlik pen yntymaq» degen shymkenttik zııaly qaýym ókilderi men ardagerler keńesiniń músheleri halyqty aýyzbirshilikke shaqyryp, eldegi oryn alǵan oqıǵaǵa qatysty pikir bildirdi. El basyna kún týǵan tusta onyń tutastyǵyn buzýdy kózdegenderdiń de boı kórsetip qalatynyn alǵa tartqan túrli sala ókilderi arandatýshylar men el tynyshtyǵyn buzǵan sodyrlardyń is-áreketip aıyptady.

Qoǵam qaıratkeri Shalataı Myrzahmetov eldegi jaǵdaıǵa baılanysty pikir bildirdi.
— Jalpy, elimizde ár azamattyń óz pikirin bildirýine, óz oıyn aıtýyna quqyǵy bar. Sherýge shyqqandar gaz, azyq-túlik baǵasynyń qymbattaýyn alǵa tartty. Mıtıngke shyqqan azamattarmen dıalog ornatylyp, gaz baǵasy tómendetildi. El narazylyǵy eskerilip, Úkimet otstavkaǵa ketti. Al endi kúni keshegideı múlikti búldirip, zańdy bılikke qarsy shyǵý – durys emes. Qazaqta «Sabyr túbi – sary altyn» degen jaqsy sóz bar. Bul – ár azamattyń boıynda bolýy tıis qasıet. Ár máseleni sabyrmen baıyptap, zerdelep, taldaý jasasaq, sheshimin tapsaq, biz alǵa jyljımyz. Kez kelgen máseleni dıalogpen sheshýge bolady. Qajet bolsa, biz sol dıalogta halyq pen bılik arasyndaǵy dáneker bolaıyq. Qazaqtyń asyl qasıetiniń biri – sózge toqtaý. Biz bir aýyz ýájge toqtaǵan halyqpyz. Birligimizge, yntymaǵymyzǵa syn keletin qadamǵa barmaıyq. Memlekettik tutastyq bárinen mańyzdy. Al memleket degen – siz ben biz! – dedi Sh.Myrzahmetov.

– «Alataý qansha bıik bolsa da, aı astynda, adamzat qansha bıik bolsa da zań astynda» degen sóz bar. Zań bolmasa, qoǵamda tártip bolmaıdy. Sondyqtan, barlyq másele zań aıasynda sheshilýi tıis. Kúni keshe kóshege shyqqandardyń áreketin biz quptamaımyz, ol – buzaqylyq. Uly ǵulama Ábý Nasyr ál-Farabıdiń «Tárbıesiz berilgen bilim — adamzattyń qas-jaýy» degen sózi bar. Mine, jastarǵa, óskeleń urpaqqa otanshyl, ultjandy tárbıe berýdiń mańyzy osyndaıda bilinedi. Al ár otbasynda, qoǵamda tárbıe máselesi myqtap qolǵa alynsa, jiti kóńil bólinse, mundaı keleńsizdik bolmas edi. Tyńdaý – bılikten, usyný – halyqtan. Al eshqandaı júıeli talapsyz, aldynan shyqqandy qıratyp ketý – ol buzaqylyq. Úkimettiń taralýymen barlyq másele sheshile qoımaıdy, endigi másele – halyqtyń narazylyǵynyń túp-tamyry nede jatqanyn myqtap zertteý qajet. Kóptiń talabyn tyńdap, zańdy talabyn oryndaýǵa barynsha kúsh salý kerek dep oılaımyn. Keshegi top bir mıllıon turǵynnyń pikirin bildire almaıdy. Bul oqıǵaǵa zańdy túrde baǵa berilip, kináliler tıisti jazasyn alýy kerek. Áleýmettik jaǵdaıǵa basa nazar aýdarymyz kerek. Sonda sálde bolsa halyqtyń jaǵdaıy durystalar edi, – dedi ardager-zańger Beket Turǵaraev.

— Alla Taǵala qasıetti «Quran-Kárimde» «men sabyr qýýshylarmen birgemin» degen. Qazaq halqy kóptegen náýbetterdi bastan keshirgen. Alaıda, el beıbit ómir súrip, mamyrajaı kún keship jatqanda oryn alǵan mynandaı keleńsiz oqıǵa barshamyzdyń janymyzǵa batty. Qala musylmandarynyń, ımamdarynyń atynan shymkenttikterdi sabyrǵa, birlikke, yntymaqqa shaqyramyz. Talap-tilekterin aıtyp kelgen halyqtyń beıbit sherýdi arandatýshylar óz paıdasyna buryp, búlik shyǵardy. Sharıǵatta muny «fıtna» dep jatady. Iaǵnı, búlik shyǵarý eń aýyr kúnálerdiń biri, - deıdi Shymkent qalasynyń bas ımamy Baqdáýlet Abdrahmanov.

Pikirler