Nesıe men ıpotekalyq tólemderge aıyppul salynbaıdy

4983
Adyrna.kz Telegram

Elimizde oryn alǵan tótenshe jaǵdaıǵa baılanysty azamattarǵa nesıe men ıpotekalyq qaryz tólemin merziminen keshiktirgeni úshin aıyppul salynbaıdy. Bul týraly QR Ulttyq bankiniń baspasóz qyzmeti málimdedi. Baıandamada elimizde oryn alǵan oqıǵaǵa oraı tótenshe jaǵdaı kezinde (5-19 qańtar) bank nesıeleriniń tólemin júzege asyrýda eshqandaı aıyppul men ósimpuldar qarastyrylmaıtyny aıtylǵan. Óz kezeginde osy tektes málimdemelerdi qazaqstandyq ekinshi deńgeıli «Otbasy banki», «Halyq banki», «Eýrazııalyq bank», «Bank entr Kredıt», «Altyn bank», «Hoým Kredıt», «Alfa Bank», Kaspi jáne Forte sekildi bankter jasady. Sol sebepti, bankten qaryz alǵandardyń alańdamaýyna bolady.

Sondaı-aq atalmysh qarjy uıymdary ıpotekalyq tólemder boıynsha da osyndaı sharalar qabyldanǵanyn jetkizdi.
Aıta ketý kerek, jappaı tártipsizdikter kezinde Shymkent qalasynyń keıbir saýda núkteleri men qoǵamdyq oryndaryndaǵy bankomattar qıratylǵan bolatyn. Degenmen turǵyndardyń birazy bankomat qyzmetin paıdalanyp úlgerdi.

Shymkent qalasy ákimdigi taratqan resmı málimetke sáıkes, ekinshi deńgeıli bank fılıaldary qańtardyń onynan bastap jumystaryna qaıta kirispek. Óz kezeginde jaýapty organdar qolma-qol aqsha operaııalarynda eshqandaı másele týyndamaıtynyna senim bildirdi. Sondyqtan bılik ókilderi halyqty sabyrǵa shaqyryp, alańdaýǵa esh negiz joq ekenin málimdedi.

Pikirler