ERG quramyndaǵy «Qazhrom» TUK» AQ fılıaly – Aqtóbe ferroqorytpa zaýytynyń qyzmetkeri Álı Qojalepes kóp jyldan beri brıgadır bolyp isteıdi.
Álı 22 jasynda zaýyttyń daıyn ónim ehyna jumysqa ornalasqan. Sol ýaqyttan beri jeti jyl ótti. Bastapqyda metall usatqysh, keıin brıgadır bolyp jumys istedi. Tipti aýysym sheberiniń de qyzmetin atqardy. Alaıda byltyr eńbek demalysynda júrip, ózin jaısyz sezine bastaǵan soń, dárigerge qaralady. Nátıjesinde Álıdiń boıynan pnevmonııadan bólek ókpesinen týa bitken patologııa anyqtalǵan.
— Buǵan deıin densaýlyǵym syr berip kórmegen. Bálkim pnevmonııa sol aýrýdy ýaqytyly anyqtaýǵa kómektesken shyǵar. Sóıtip qyrkúıek aıynda birinshi ota jasattym. Jumysqa qaıtyp oraldym da, qarasha aıynda qaıtadan aýrýhanaǵa jatýǵa týra keldi. Ekinshi otadan keıin qalalyq komıssııa maǵan 3-top múgedektigin taǵaıyndady. «Áli de jaspyn, aldymda ne kútip tur?» degen túrli oılar mazalady. Sebebi zaýyttan basqa jerde jumys istep kórmedim, bolashaǵymdy kásiporynmen ǵana baılanystyrdym. Otbasym bar, jarym bala kútimine baılanysty eńbek demalysyna shyqty. Sondyqtan múgedektik taǵaıyndaǵanda, tóbemnen sý sepkendeı kóńil-kúıim túsip ketti. Dárigerlerdiń nusqamasy boıynsha zaýytta jumys isteýime tyıym salyndy, — deıdi 29 jastaǵy Álı Qojalepes.
Degenmen Álı qamqorlyqsyz qalmady, kásiporyn basshylyǵy kómekke qol ushyn sozdy. «Halyqtyq baqylaý» jobasyna qatysyp, úıden jumys isteıtin beınebaqylaý operatory bolýǵa usyndy. Baqylaýshy noýtbýkpen, modemmen, ınternetpen jáne telefonmen jabdyqtalǵan. Zaýyt ınternet pen telefon baılanysyn óz esebinen tóleıdi. Al kásiporynnyń IT-qyzmeti qashyqtan jumys isteıtin paıdalanýshylarǵa tehnıkalyq qoldaý kórsetedi.
— Kúnige tórt saǵat jumys isteımin, — deıdi baqylaýshy. – Qolymda noýtbýk jáne Wi-Fi, ıaǵnı qalaǵan bólmeme kirip, ózime yńǵaıly jerde otyramyn. Beınekameralar arqyly birinshi, ekinshi jáne tórtinshi ehtaǵy óndiristik proesti baqylaımyn. Qaýipsizdik tehnıkasy oryndalmaı, kemshilikter anyqtalyp jatsa, sýretke túsirip, tirkep alamyn. Aýysymym bitken soń, esebimdi eh basshylaryna, ózimniń jetekshime joldaımyn. Kóbine qyzmetkerler kózildirikti durys kımeıdi nemese qural-jabdyqtardy qaraýsyz tastap ketedi. Osyndaı usaq-túıek kemshilikter ǵana anyqtalady.
Ázirge zaýyt basshylyǵy Álımen bir jylǵa kelisimshart jasaǵan. Eger medıınalyq komıssııa onyń saýlyǵyn rastap, qaıtadan múgedektikti taǵaıyndamasa, onda Álı ferroqorytpany frakııaǵa bólý jáne tıeý bólimshesine qaıtyp oralady.
«Adyrna» ulttyq portaly.
