Kentaýda jasóspirim qyzdar tóbelesip, bireýi aýrýhanaǵa tústi. Bul oqıǵa vıdeoǵa túsip qalǵan. Kadrda bir qyzdyń ekinshisiniń shashynan julyp, basynan urǵylap jatqanyn kórýge bolady. Al vıdeony túsirip turǵandar ajyratýdyń ornyna tóbelestiń kórigin qyzdyryp tur, dep habarlaıdy jergilikti Otyrar saıty.
Atalǵan fakt boıynsha 17 jeltoqsanda Kentaý polıııasyna jábir kórgen qyzdyń anasy shaǵymdandy. Onyń aıtýynsha, qyzy kóptegen dene jaraqatyn alǵan.
Málim bolǵandaı, joǵary synypta oqıtyn eki qyz sózge kelispeı qalǵan. Arty janjalǵa ulasyp, olar mektep aýlasynda jaǵa jyrtysqan.
Oqıǵadan keıin bir qyz aýrýhanaǵa jetkizildi.
Polıııa eki jasóspirimniń ata-anasymen jáne mektep ákimshiligimen túsindirý jumystaryn ótkizdi.
Qazir tergeý amaldary júrgizilip jatyr.
Tóbelestiń kadry zańger Aıgúl Orynbektiń Facebook-tegi paraqshasynda jarııalandy.
"Jasóspirimder arasyndaǵy buzaqylyqty aldyn almasaq, bolashaqta túrmeler el buzarlarǵa tolady! Erlan Turǵymbaev myrza jergilikti polıııa ınspektorlary mektepterdi aralap "jastar arasyndaǵy qylmysty aldyn alý baǵytynda" túsindirme jumystaryn ótkizý kerek dep oılaımyn", - dep jazdy ol.
Zańgerdiń aıtýynsha, Túrkistan oblysy, Kentaý qalasy №1 -shi mekteptiń 8-shi synyp oqýshysy jábirlenýshini birneshe qyz bolyp asa qatygezdikpen sabaǵan.
"Barlyǵyn vıdeoǵa túsirip turǵan. Oqıǵa bolǵan oryn Kentaý qalasy 22-shi mekteptiń terrıtorııasy. Qazirgi ýaqytta taıaq jegen 14 jastaǵy oqýshy qyz Kentaý qalalyq aýrýhanasynyń travmatologııa bóliminde jatyr. Qyzdyń anasynyń aıtýynsha, dárigerler tıisti medıınalyq saraptamalardy bermeı otyr. Ýchaskelik polıııa kelip shaǵym alǵannan ári is qozǵalmaı tur. Isti jyly japqylary keledi deıdi. Mektep ákimshiligi tarapy únsiz. Qyz mektepke barýdan bas tartyp jatyr deıdi anasy. Jaqyndary qyzdyń psıhıkalyq jaǵdaıy alańdatyp otyrǵanyn aıtady", - dep jazdy ol.
“Adyrna” ulttyq portaly
