Aqtóbede toptyq tóbeles saldarynan eki jasóspirim pyshaq jaraqatynan qaza tapty, dep habarlaıdy “Adyrna” portaly Aqtóbe oblysy prokýratýrasynyń baspasóz qyzmetine siltep.
«2 qańtarda Instagram jelisinde kámeletke tolmaǵan jigitter arasynda janjal týyndap, nátıjesinde kelesi kúni Almaz dúkeniniń janyna bireýi ekinshisin kezdesýge shaqyrdy. 2 qańtar kúni saǵat 23.00 shamasynda toptyq tóbeles kezinde kámeletke jasóspirimdi pyshaqtap ketken. Nátıjesinde eki kámeletke tolmaǵan bala alǵan jaraqattarynan Aqtóbedegi jedel járdem aýrýhanasynda esin jımastan kóz jumdy», - delingen sársenbi kúni taratqan habarlamada.
Atap ótkendeı, tóbeles týraly habarlama «102» pýltine 3 qańtar kúni saǵat 00.10 shamasynda túsken.
«Bizge Aqtóbedegi Qyzyljar aýylynda ornalasqan «Almaz» dúkeniniń janynda toptyq tóbeles bolyp jatqany týraly qońyraý tústi. Oqıǵa ornyna polıııa departamentiniń jedel-tergeý toby men oblystyq prokýratýranyń basshylyǵy shyqty», - delingen habarlamada.
QR Qylmystyq kodeksiniń 99-babynyń 2-bóliginiń 1, 9 jáne 14-tarmaqtary boıynsha (kisi óltirý) qylmystyq is qozǵaldy.
«Is boıynsha proessýaldyq prokýror taǵaıyndaldy. Tergeý barysy oblys prokýrorynyń jeke baqylaýyna alyndy», - dep qosty oblys prokýratýrasy.
