Shymkentte 25 myńnan asa turǵyn káriz júıesimen qamtyldy

4784
Adyrna.kz Telegram

Shymkent qalasy turǵyndaryn káriz júıesimen qamtý kórsetkishin arttyrý maqsatynda bıyl 13 nysannyń qurylys jumystary bastalǵan. Onyń úsheýi magıstraldy káriz kollektory bolsa, 10 eldimekenge ishki júıeler tartyldy.

Búginde Turan shaǵynaýdanyndaǵy káriz sorǵy stanııasynyń qurylysy aıaqtalyp, ondaǵy kóp qabatty turǵyn úıler káriz júıesine qosyldy. Odan bólek, Naýryz shaǵynaýdanynyń 3,5 myń jáne Samal-1 shaǵynaýdanyndaǵy 22 myńdaı turǵyn káriz júıesine qosyldy. Nátıjesinde qala turǵyndaryn káriz júıesimen qamtý kórsetkishi 52,3 paıyzdan - 54 paıyzǵa ósti.

Al, Arǵynbekov jáne Turan magıstraldy káriz kollektorlarynyń qurylysy keler jyly aıaqtalmaq. Samal-2, Samal-3, Dostyq, Asar-2, Tassaı, Mıras, Shapaǵat, Ulaǵat, Soltústik-Shyǵys eldimekenderindegi qurylys jumystary da 2022 jylǵa ótpeli.

2022-2025 jyldary qalanyń ońtústik, soltústik bóliginiń káriz júıesimen qamtý josparyna sáıkes, 2 dana káriz – tazalaý ǵımaratynyń, magıstraldyq kollektorlardyń jáne eldimekenderdiń ishki júıeler qurylysyn júrgizý josparlanýda. 2025 jyly qalanyń káriz júıesimen qamtý kórsetkishi 75 paıyz bolady.

Shymkent qalasy ákimdiginiń baspasóz qyzmeti

Pikirler