Memleket basshysy Qasym-Jomart Toqaev el aýmaǵynda aldaǵy 5 jylda ormandy alqaptarda 2 mıllıard, al eldimekenderde 15 mıllıon kóshet egýdi tapsyrǵan bolatyn. Osynyń negizinde Shymkentte birqatar joba qolǵa alyndy. Qalanyń 5 jyldyq kógaldandyrý jospary aıasynda 2025 jylǵa deıin qala aýmaǵynda 12,5 mln. jasyl jelek bolady.
Búginde megapolıstiń jasyl jelegi 6 mıllıondy qurasa, aldaǵy jyldary taǵy 6,5 mln. jasyl jelek egý josparlanýda. Esepti kezeńde 300 myńǵa jýyq aǵash, kóshetter otyrǵyzyldy.
Shymkent qalasynda ekologııalyq aýmaqtardyń qatary artyp keledi. Bıylǵy jyly qalany abattandyrý jáne qorshaǵan ortanyń ekologııalyq ahýalyn jaqsartý maqsatynda «Alataý» saıabaǵy paıdalanýǵa berildi. Osylaısha shahardaǵy saıabaqtar 9-ǵa jetti.
Buǵan qosa qalanyń atmosferalyq aýasynyń jaı-kúıi jóninde halyqty habardar etý úshin arnaıy datchıkter ornatylyp, 2 LED-ekran arqyly turǵyndarǵa jarııalanyp turady.
Shymkent qalasy ákimdiginiń baspasóz qyzmeti
